საბავშვო მოთხრობა
საბავშვო მოთხრობა
"თეკლეს ახალწელიწადი"
საშინლად ჰყინავს, საშინლად. დედამიწას სულ რაკარუკი გაუდის. მოკრიალებული ცა ვარსკვლავებით არის მოჭედილი, მხოლოდ ჭირხლმოკიდებული მთვარე პირბადეჩამოფარებული პატარძალივით ინაზება და მკრთალ ნათელსა ჰყრის ქვეყანაზე.

ბებია თეკლეს ოთახში სანთელი არ ანთია, მხოლოდ ბუხარში ცეცხლი ოდნავა ბჟუტავს და ჩაბნელებულ ოთახს სასიამოვნოდ ანათებს. თეკლე ფანჯარასთან ღრმა სავარძელში ზის, ხელში ლამაზი, მსხვილი ქარვის კრიალოსანი უჭირავს და ჩაფიქრებული მარცვალ-მარცვალ აგდებს; ხანდახან გადახედავს ფანჯრის წინ გადაშლილ საახალწლოდ გაჩირაღდნებულ ქალაქს, ხალხის მოუღალავ ფუსფუსს, საახალწლო სამზადისს და ამოიოხრებს.

ბევრი ახალწელიწადი გაუტარებია თეკლეს ტკბილად. მწარედ იგონებს წარსულს, გონების თვალს ავლებს: "რა ვიყავი და რა ვარ, - ჰფიქრობს ბებია თეკლე, - მშვენიერი, გონიერი, ღონიერი, ზოგჯერ მწარე, მაგრამ ყოველთვის სამართლიანი, საცოდავთ შემბრალე... ეხლა? ეხლა დავრდომილი დედაბერი, ყრუ, თვალებდაბლისტული. ვიღა რაღას აქნევს ჩემს გონებას, ჩემს სამართლიანობას, სიტკბოს თუ სიმწარეს, ენაწყლიანობას? დავიწყებული ვარ, დავიწყებული! სადღაა ჩემთვის ახალწელიწადი! რაღას მომიტანს სანუგეშოს?!

ვჩივი?! მაგრამ რა მაქვს საჩივნელი? განა ასე არ არის ბუნების წესი და კანონები: წამსვლელნი უნდა წავიდნენ და მომსვლელნი უნდა მოვიდნენ, ხარობდნენ და იცინოდნენ. უცებ თეკლეს ფიქრები შესწყვიტა ბალღის გულიანმა ხარხარმა. ოთახში შემოიჭრა ოთხი წლის ნათელა და გარშემო სიცოცხლე, სუნნელოვნება და ნათელი მოჰფინა.

- ბები, ბები, ბები! - გაისმა იმისი ზარივით წკრიალა ხმა და ბებია ფიქრებიდან გამოარკვია. ანგელოზის მსგავსი, შავთმიანი, წითელღაწვებიანი, თვალებმოცინარი, ფუნჩულა ხელებგაპარჭყული ქმნილება ლიკლიკებდა: "სად ალი ბებია, სად ალი ბებია, საქალი უნდა მივუტანო".

- აქა ვარ, აქა, გენაცვალოს ბებია, - შეჰყვირა მხურვალებით თეკლემ და გულში ჩაიკრა თავისი ნებიერი, თავის ორთავ თვალის სინათლე შვილიშვილი და თან გაბრწყინებულ ზეცას ბოდიშით თვალი შეავლო და შეინანა, რომ ერთის წამით მაინც ბედს საყვედური განუცხადა.

- თავს შემოგევლე, წამლად წაგეცხე, მტლად დაგედე, ჩემო მშვენიერო, ჩემო ანგელოზო! - უალერსებდა გაუთავებლად დიდი დედა და ნათელაც თავის ტკბილ ბებიას აღტაცებით ყელს ეხვეოდა, დამჭკნარ ლოყებს უკოცნიდა, თვალებში შესცინოდა, ულოლიებდა: "ბები, ზიზა, ბები! კაკა, კაკა მინდა!"

- კაკა? აბა, ერთი ითამაშე, აბა, ერთი გამახარე და კაკას მოგცემ, - უთხრა ბებიამ პატარას და იატაკზე დასვა, თან ტაში გამოჰკრა და ზედაც ჩიფჩიფა ტუჩებით სათამაშო ააყოლა: "აი, ჩემი ახალწელიწადი, ახალწელიწადი, ახალწელიწადი!"

ნათელა დატრიალდა, გაშალა მშვენიერი ცაცები, ხან ერთ ფეხზე შეხტა, ხან მეორეზე, ხან თავი აქეთ გადიღო, ხან - იქით, ხან გარს დაუარა, ხან მრავალნაოჭიან თეთრ მსუბუქ კაბას ხელი გაიკრა და გააფრიალა!

წელში მოხრილი ბებია, თვალებმოკრუტული, მაგრამ სახეგაბრწყინვალებული გაქანებული ტაშს უკრავდა და მღეროდა: "აი, ჩემი განახლება, ჩემი ახალწელიწადი შენა ხარ!"

შვილიშვილი ტრიალებდა, ხარობდა, იცინოდა, კაკებს ელოდა.
ეკატერინე გაბაშვილი

ბეჭდვაელფოსტა
კომენტარი არ გაკეთებულა
სხვა სიახლეები
07.01.2010
(ლეგენდა)
ალბათ ყველას გიყვართ საშობაო ნაძვის ხე და გიხარიათ მისი მორთვა-მოკაზმვა, მაგრამ ის თუ იცით, რატომ ვრთავთ ყოველთვის მაინცდამაინც ნაძვს და არა რომელიმე სხვა ხეს? არა?
25.12.2008
წმინდა სალომე უჯარმელი და პეროჟავრა სივნიელი ქართველთა განმანათლებლის, წმინდა ნინოს უახლოესი თანაშემწენი იყვნენ. მათ წმინდა ნინოსთან ერთად უამრავი ჭირი და განსაცდელი გადაიტანეს ქრისტეს სარწმუნოების გასავრცელებლად.
25.12.2008
მიტრა - უფლის გვირგვინის სიმბოლო
მღვდელს ერთგული მსახურებისთვის მიტრის ტარების პატივითაც აჯილდოებენ. ეს პატივი ყველა მღვდელმთავარს აქვს.
25.12.2008
პირველ ხელნაწერ "ვეფხისტყაოსანს" ჩვენს დრომდე არ მოუღწევია. ყველაზე ძველი ტექსტის ხელნაწერი XVII საუკუნისა ყოფილა, თუმცა ზოგიერთ, კიდევ უფრო ძველ ხელნაწერებზე შემორჩენილია "ვეფხისტყაოსნის" ნაწყვეტები.
25.12.2008
კუზიანი მონაზონი, რომელსაც ანგელოზის სული ჰქონდა
ვიცი, დიდ სამებაში აუცილებლად იქნები ნამყოფი, მაგრამ თბილისში კიდევ არის წმინდა სამების სახელობის ტაძრები. მათგან ერთ-ერთი ეროვნული ბიბლიოთეკის სიახლოვესაა...
25.12.2008
მსოფლიოს უდიდესი მუზეუმები
ჩემო ცნობისმოყვარე მკითხველო, "მუზეუმი" მომდინარეობს ბერძნული სიტყვიდან "მუზეიონ". ძველ საბერძნეთში ეს სიტყვა აღნიშნავდა ადგილს, რომელსაც ხელოვნების მფარველი ქალღმერთები იცავდნენ.
25.12.2008
ჭია, ჭია-მაია
სისხლის ცრემლები
ჩემო პატარა მეგობარო, ცხოველების უმრავლესობა გარემო პირობებს ადვილად ეგუება - ზოგი ნაირგვარადაა შეფერილი, გარემოს ეხამება და ამის წყალობით საიმედოდაა დაცული მტრის თავდასხმისგან;
25.12.2008
საქართველოს გაძლიერებას, მის მისწრაფებას დაებრუნებინა ბიზანტიის მიერ მიტაცებული ქართველური ტომებით - ლაზებით დასახლებული შავი ზღვის სამხრეთ სანაპირო, რუმის (დღევანდელი თურქეთის ტერიტორიაზე არსებული თურქულ-სელჩუკური სახელმწიფო) სულთან რუქნადინის შეშფოთებას იწვევდა.
27.11.2008
წმინდა მამები საქართველოსკენ დაიძრნენ
VI საუკუნეში საქართველოს მეფეს და კათოლიკოსს ანგელოზები გამოეცხადნენ, რომელთაც აუწყეს, რომ ღვთისმშობლის ნებითა და კურთხევით საქართველოში ჩამოვიდნენ აღმოსავლეთის უდაბნოებში გაბრწყინებული წმინდა მამები
27.11.2008
წილკნის ღვთისმშობლის ტაძარში ლუკა მახარებლის მიერ დაწერილი ხატი ჩამოაბრძანეს
წილკნის ღვთისმშობლის უძველესი საეპისკოპოსო ტაძრის მშენებლობა უკავშირდება ქართლში ქრისტიანული სარწმუნოების გავრცელების პირველ ხანებს
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
გვესაუბრება ვაზისუბნის ცხრა ყრმათა კოლაელთა სახელობის ეკლესიის მღვდელმსახური დეკანოზი გურამ გურამიშვილი:

- ფერისცვალების დღესასწაული მართლაც განსაკუთრებულია
საიტის პარტნიორები