ნათლია ნათლულს არსობის პურის პატიოსნად მოპოვებაში უნდა დაეხმაროს
ნათლია ნათლულს არსობის პურის პატიოსნად მოპოვებაში უნდა დაეხმაროს
"მართლმადიდებლურ კატეხიზმოში" ნათლობის საიდუმლოზე წერია: "ნათლობა - საიდუმლოებაა, რომლის დროსაც სამჯერ წყალში შთაფვლით და წმინდა სამების, მამა ღმერთის, ძის და სულიწმიდის მოწვევით მორწმუნე კვდება ხორციელი, ცოდვიანი ცხოვრებისთვის და სულიწმიდის მიერ ხელახლა იშვება სულიერ ცხოვრებაში. რადგან ნათლობა სულიერი შობაა და ადამიანი ერთხელ იბადება, ამიტომ საიდუმლოება არ მეორდება". ამიტომაც არც ნათლულის შეცვლა შეიძლება და არც ნათლიისა.

დიდი პასუხისგება აწევს მიმრქმელს, მან ზედმიწევნით უნდა აღასრულოს ნათლობისას დადებული აღთქმა. აი, რას ბრძანებს ნათლიის მოვალეობაზე ჩერნიგოვის მთავარეპისკოპოსი ფილარეტი: "ძმანო ქრისტიანენო! ქრისტე მაცხოვრის ნათლობის მსგავსად ყველა მისი მორწმუნე უნდა მოინათლოს, ნათლობისას კი, როგორც იცით, მონაწილეობენ მიმრქმელები ანუ ნათლიები.

მაგრამ ყველამ არ იცის, რისთვის არის საჭირო ნათლიები და მათ რა უნდა გააკეთონ. ამიტომაც დღეს სულიერ მშობლებზე ანუ მიმრქმელებზე ვისაუბროთ.

როცა შვილისთვის ნათლიას ეძებენ, მშობლებმა ის მდიდარ და ცნობილ კაცთაგან კი არ უნდა აირჩიოს, არამედ ღვთისმოშიშ და მორწმუნე ადამიანებს შორის, რამეთუ ნათლობისას მიმრქმელი ყრმის მაგიერ აღიარებს მრწამსს და აღთქმას დებს, ნათლობის შემდეგ ის რჩება ღვთისგან მოცემულ მამად, რომელიც პასუხისმგებელია ჩაბარებული სულის ცხონებაზე.

ნათლობისას უფალი ასრულებს მადლმოსილ მოქმედებას, მღვდლის და მიმრქმელის ლოცვითა და სარწმუნოებით. იმისდა მსგავსად, როცა მან მკვდრეთით აღადგინა იაიროსის ქალიშვილი მისი რწმენით, მართას და მარიამის რწმენით კი - ლაზარე, ანდა როცა განრღვეული განკურნა მისი მიმყვანი კაცების რწმენით.

KARIBCHEამიტომაც, სხვა ყველა თვისებასთან ერთად, ნათლიას მტკიცე რწმენა უნდა ჰქონდეს უფლისა და მისი წმინდა ეკლესიისა, და როცა მისი ნათლული წამოიზრდება, მას მართლმადიდებელი სარწმუნოების კანონები ასწავლოს. კარგია, თუ ნათლიას საშუალება აქვს, ყოველდღიურად თვალი ადევნოს ნათლულის რწმენაში გაძლიერებას. მაგრამ თუ ამას ვერ შეძლებს, უკიდურეს შემთხვევაში, საზეიმო დღეებში მაინც უნდა მოინახულოს მცირე ხნით და მამობრივი სიყვარულით განამტკიცოს ნათლულში სარწმუნოება.

ნათლიის მოვალეობაა, იცოდეს, ლოცულობს თუ არა მისი სულიერი შვილი, რა ლოცვები იცის, თუ დადის ხშირად ღვთის სახლში, ამბობს აღსარებას (თუ უკვე წამოიზარდა) და ეზიარება. ღვთის რწმენა და ლოცვა საჭიროა იმ სიკეთისთვის, სათნოებისთვის, რომელსაც კაცი თავისი სიცოცხლის განმავლობაში უნდა აღასრულებდეს, რომლის გარეშე არც ღმერთის სათნოყოფა შეიძლება და არც ცხონება.

მიმრქმელი ასევე უნდა ზრუნავდეს, რომ მისი ნათლულის სარწმუნოება მკვდარი არ იყოს და ნაყოფი გამოიღოს. ნათლია მამასავით უნდა ზრუნავდეს ბავშვის წმინდა ცხოვრებითა და კეთილი საქმეებით გამშვენებაზე, თვალყური ადევნოს, რომ ცუდი ჩვევები და შეცდომები მის სულს არ შეეხოს და თუ შეუძლებელია ეს ამ სოფელში, რომელიც ბოროტსა ზედა ძევს, ის მაინც გააკეთოს, უკეთურობები დიდხანს რომ არ დარჩეს ყრმის სულში.

KARIBCHEნათლია (მამაკაცი) წინამძღოლობს ბავშვის ცხოვრებას, ის ნათლულს არსობის პურის პატიოსნად მოპოვებაში უნდა დაეხმაროს, რომ მან არ დაივიწყოს ღარიბები, სუსტები, უძლურები. თავისი სათნო ცხოვრებით მაგალითს უნდა აძლევდეს ნათლულს, როგორ იცხოვროს და იშრომოს ქრისტიანმა. ნათლია უნდა ზრუნავდეს, რომ ნათლული არ აცდუნონ ცუდმა მეგობრებმა და მრუდე გზაზე არ დააყენონ...

მიმრქმელო, შენთვისაა ნათქვამი ნათლისღების ლოცვის სიტყვები:

"როგორც ახლაა გათანგული მადლის სხივებით შენი ნათლული და სულიერი შობის მიერ ბოძებულ არს ხელთა შენთა, დაე, ასევე უბიწოდ წარდგეს მომავალ საუკუნეში ზეციური მამის წინაშე. შენი ბაგეებით როგორც სიხარულით განუდგა სატანას და საქმეთა მისთა, ეშვილა ყოვლის შემოქმედსა და ღმერთს, გახდა წევრი ქრისტეს ეკლესიისა და ქრისტიანული სარწმუნოების აღმსარებელი, დაე, არასოდეს განუდგეს ეკლესიას, იყოს მასთან რწმენით ერთობაში და მადლის მიერ მუდამ იყოს შვილი უფლისა". აი, რა დიდ მოვალეობას აკისრებს მიმრქმელს წმინდა ეკლესია, რარიგ მამობრივი მზრუნველობით, ყურადღებით უნდა უცქერდეს ის თავისი ნათლულის ცხოვრებას და მოქმედებას!"
ბეჭდვაელფოსტა
კომენტარი არ გაკეთებულა
სხვა სიახლეები
17.02.2018
წალენჯიხის მაცხოვრის ფერისცვალების სახელობის ტაძრის დეკანოზი ანდრია კემულარია:

- მალე დიდი მარხვა დაიწყება.
29.03.2016
აღდგომის მარხვაში დედაეკლესიაში ზეთის კურთხევის საიდუმლო ანუ შვიდგზის ზეთისცხება სრულდება.
31.01.2016
სოციალურ ქსელში გავრცელებული ინფორმაციით საქართველოს საკონსტიტუციო სასამართლომ დაარეგისტრირა მოქალაქე გიორგი ტატიშვილის (იგივე სოდომისტი "მაცაცოს") სარჩელი
29.05.2008
საეკლესიო საიდუმლოებანი ადამიანის ცხონების საკითხს ემსახურება. წმინდა წერილი კი ღვთისმსახურთა შესახებ, რომელნიც ამ საიდუმლოთა აღმსრულებელნი არიან, გვაუწყებს: "ესრეთ შემრაცხენინ ჩუენ კაცმან, ვითარცა მსახურნი ქრისტესნი".
24.01.2008
ქორწინება ერთ-ერთი დიდი საიდუმლოა. ამ საიდუმლოს აღსრულების დროს მღვდელი წარმოთქვამს სიტყვებს:
24.01.2008
მექორწინეთა სუბსტანციურ ერთობას, იოანე ოქროპირის განმარტებით, ქმნის სიყვარული. შეყვარებული წყვილი უკვე შეადგენს არა ორ, არამედ ერთ ადამიანს, ამგვარი ერთობა მხოლოდ სიყვარულს ხელეწიფება.
10.01.2008
შვიდი მთავარი საეკლესიო საიდუმლოს გარდა არსებობს მცირე საიდუმლოებანიც, თუმცა კი, ღვთის მადლით, არანაკლებ ძალმოსილნი.
20.09.2007
რა უნდა ვიცოდეთ ჯვრისწერის შესახებ?
როცა ქალი და მამაკაცი თანაცხოვრებას გადაწყვეტენ, ვალდებულნი არიან, ჯვარი დაიწერონ - მხოლოდ ასე იქნება ღვთის წინაშე მართალი მათი ცოლქმრობა.
08.09.2006
და პასუხს აგებს კიდეც ღვთის წინაშე ნათლულის სულიერ აღზრდაზე
"უკუეთუ ვინმე არა იშვეს წყლისაგან და სულისა, ვერ ხელ-ეწიფების შესლვად სასუფეველსა ღმრთისასა", - ბრძანებს მაცხოვარი
11.08.2006
იმ ქრისტიანულ სასწაულთაგან, რომელნიც დღემდე ხილულად აღესრულება, ერთ-ერთია ნაკურთხი წყლის უხრწნელობა. ყოფილა შემთხვევები, რომ ნაკურთხი წყალი წლების მანძილზე ჰქონიათ შენახული, ხოლო როდესაც ჭურჭლისთვის თავი აუხდიათ, წყალს ისეთივე გემო ჰქონია, როგორიც ახალაღებულს.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
თქვენ იცით, რომ მე ყოვლადწმინდა ღვთისმშობლის შეურაცხყოფისთვის დავწყევლე და შევაჩვენე ჟურნალისტი გიორგი გაბუნია