ცოტა ხნის წინ თანამედროვე მეცნიერება შეეცადა, უახლესი ტექნოლოგიების გამოყენებით ამოეხსნა ნაკურთხი წყლის საიდუმლო.

კვლევამ, რომელიც პარალელურად რამდენიმე ქვეყანაში მიმდინარეობდა, საოცარი შედეგები მიიღო.

როგორც აღმოჩნდა, XXI საუკუნემდე მეცნიერება ძალზე მწირ ინფორმაციას ფლობდა ზოგადად წყლის შესახებ. ეს სუბსტანცია ძლიერ იდუმალი და ცვალებადი აღმოჩნდა და უფრო მეტიც: შეიძლება ითქვას, ცოცხალი!

ტერმინი ,,ცოცხალი წყალი" მეცნიერებაში პირველად 1920 წელს გაჩნდა, როდესაც ავსტრიელმა ინჟინერ-ჰიდროლოგმა ვიქტორ შაუბერგერმა აღმოაჩინა, რომ ბუნებრივ პირობებში წყალი გარკვეულ ვიტალურ ძალას ფლობს, მილებში გავლისას კი ელექტრონთა ნაწილს კარგავს და მისი მოლეკულური სტრუქტურა ირღვევა.

თუ წყაროს წყალს გამოვიკვლევთ, ვიხილავთ ექვსკუთხოვან ფიფქისებრ სტრუქტურებს. დაახლოებით ამგვარი სტრუქტურა შეინიშნება ახალშობილი ბავშვის უჯრედშორის სითხეშიც, რომელიც დროთა მანძილზე, რადიაციისა და გარემოს სხვა მავნე ზემოქმედების შედეგად, რღვევას იწყებს...

შაუბერგერმა წყლის შესაფასებლად ახალი მიდგომა შეიმუშავა და როგორც ეკოლოგმა, პრაქტიკული შედეგიც მიიღო, თუმცა, სამწუხაროდ, გარკვეული კრიტიკისა და ზეწოლის შედეგად მისი სახელი მიიჩქმალა, რამდენიმე წლის წინ კი დიდი მეცნიერის შრომებმა დამსახურებული აღიარება ჰპოვა.

როგორც ზემოთ ვთქვით, წყლის შესწავლა ერთდროულად რამდენიმე ქვეყანაში დაიწყო.

თანამედროვე მეცნიერებაში წყლის მკვლევართა შორის ერთ-ერთი ავტორიტეტული მკვლევარი, რუსი მეცნიერი სტანისლავ ზენინი თვლის, რომ წყალს უნიკალური თვისებები აქვს, რომელიც განპირობებულია ე. წ. ,,ინფორმაციულ-ფაზურ მდგომარეობაში" სტრუქტურული მეხსიერების გამოვლენის ფენომენით.

წყალს შეუძლია ელექტრომაგნიტური რხევების შედეგად მიიღოს, გადასცეს და დაიმახსოვროს ინფორმაცია.

ზენინმა წყლის კვლევა 1995 წლიდან დაიწყო. გაირკვა, რომ ეს მატერია კლასტერული უჯრედებისაგან შედგება, რომლებიც ერთგვარი მინიატურული ბიოკომპიუტერებია.

ადამიანი 70% წყლისგან შედგება, აქედან გამომდინარე, მასზე დიდად ზემოქმედებს მექანიკური, ელექტრომაგნიტური თუ ქიმიური გარეფაქტორები...

წყლის მოლეკულები ამგვარი ზემოქმედების შედეგად გადაეწყობიან და გეომეტრიულ ფორმასაც კი იცვლიან...

მასზე ზემოქმედებს ადამიანთაშორისი ურთიერთობებიც, თქვენ წარმოიდგინეთ, იცვლება დნმ-ის მოლეკულაც, რომელიც, შესაძლოა, სრულად განადგურდეს.

სენსაციური აღმოჩნდა ნაკურხი წყლის კვლევის შედეგი.

პროფესორ პავლე გოსკოვის ლაბორატორიაში საინტერესო ცდა ჩაატარეს: ნაკურთხი წყალი ჩვეულებრივ წყალს გაურიეს, დანარჩენმა წყალმა ნაკურთხი წყლის თვისებები შეიძინა.

კვლევის შედეგები ყველაზე თვალსაჩინოდ იაპონელმა მეცნიერებმა წარმოაჩინეს პროფესორ მასარუ ემოტოს ხელმძღვანელობით.

ამ უკანასკნელმა წყლის წვეთი 5 გრადუსამდე გაყინა, მიკროსკოპით დააკვირდა წარმოქმნილ კრისტალებს, შემდეგ კი ფირზე დააფიქსირა...

ემოტომ სხვადასხვაგვარად იმოქმედა წყალზე და დაადგინა, რომ მის მოლეკულურ სტრუქტურას ცვლის ადამიანთა ფიქრები, ხმები, ენერგია და ამგვარი ცვლილებები განსაკუთრებით ხმოვანი ზემოქმედებისას ცნაურდება. საგალობლები, კლასიკური და ხალხური მელოდიები წყლის კრისტალებს საოცრად ლამაზ გეომეტრიულ ფორმებს ანიჭებს, მაგრამ იგივე კრისტალი ძლიერ მახინჯდება მძიმე მეტალის, როკის და სხვა თანამედროვე მუსიკის ზემოქმედებისას.

როგორც ჩანს, ასეთსავე ზემოქმედებას განიცდის ადამიანის ორგანიზმიც, რომელიც, უმთავრესად, წყლისგან შედგება.

მეცნიერთა დასკვნით, სულიერი ძალა რეალურად მართავს წყალს, - ამშვიდებს, აწესრიგებს და განწმენდს.

ჩნდება კითხვა: - შესაძლებელია თუ არა აბსოლუტურად განწმენდილი წყლის მიღება? როგორც აღმოჩნდა, არა და არც ბუნებაში არსებობს ამგვარი წყალი...

აბსოლუტურად წმინდა წყალს, მეცნიერთა აზრით, ადამიანის გონებისათვის წარმოუდგენელი თვისებები ექნებოდა...

პროფესორ პავლე გოსკოვის ლაბორატორიაში უდიდესი შრომის ფასად ძალზე მცირე რაოდენობით მიიღეს ასეთი წყალი და ყველა გაოცდა: - მის მოლეკულებს შეჭიდების იმგვარი ძალა აღმოაჩნდა, რომ მათ გასახლეჩად მეცნიერებს 900 ნ ძალის გამოყენება დასჭირდათ...

ამგვარ წყალზე ადამიანი კი არა, ტანკიც კი თავისუფლად გავიდოდა...

მეცნიერთა აზრით, ნაკურთ წყალს კურნების უდიდესი ძალა გააჩნია...