"მე რაღად მომმართეთ, თუ შვილისთვის ასეთი ექიმი გყავდათ?!"
"მე რაღად მომმართეთ, თუ შვილისთვის ასეთი ექიმი გყავდათ?!"
რამდენიმე წლის წინ კვიპროსელ ბერძენთა ოჯახი (მათი გვარი ვასილიუა) დიდი განსაცდელის წინაშე აღმოჩნდა: - მათ ლეიკოზით დაავადებული 12 წლის ანდრიასთვის ზურგის ტვინის გადანერგვისთვის დონორი დასჭირდათ. ეს ინფორმაცია ტელევიზიითაც გადაიცა, დონორიც გამოჩნდა და ოჯახმაც ამერიკის შეერთებულ შტატებში გასამგზავრებლად იწყო სამზადისი, სადაც ოპერაცია უნდა ჩაატრებულიყო.

თუ რაოდენ ევედრებოდა უფალს ვასილიუს ოჯახი შვილის გადარჩენას, ტელესიუჟეტიდანაც კარგად ჩანდა. გამგზავრებამდე კი მათ წმინდა მარინეს სასწაულების შესახებ შეიტყვეს და გადაწყვიტეს, მისი სახელობის მონასტრიდან ლოცვა-კურთხევა წამოეღოთ და საამისოდ კუნძულ ანდროსზე მდებარე წმინდა მარინეს სახელობის მონასტრის იღუმენს, არქიმანდრიტ კვიპრიანეს ტელეფონით გაესაუბრნენ. არქიმანდრიტი შეჰპირდა, რომ მათთვის ილოცებდა და უსურვა, ოპერაციის მსვლელობისას წმინდა მარინე ყოფილიყო მათი შვილის შემწე.

მართლაც, მამა კვიპრიანეს ლოცვითა და წმინდა მარინესადმი დიდი სასოებით ოჯახი ამერიკაში გაემგზავრა.

KARIBCHEშესაბამისი წინასაოპერაციო გამოკვლევისა და მომზადების შემდეგ პატარა ანდრია ურთულეს ოპერაციაზე შეიყვანეს, ცოტა ხნით ადრე კი ქირურგთან ერთი ქალბატონი მივიდა და განუცხადა, რომ იგი პატარა პაციენტის პირადი ექიმი იყო და ოპერაციაზე დასწრება სურდა. საუბარში ქალბატონმა ისეთი სამედიცინო ცოდნა გამოავლინა, რომ ქირურგს მასში ეჭვიც არ შეჰპარვია, თუმცა აუხსნა, რომ მსგავსი სირთულის ოპერაციებზე უცხო ექიმის დასწრება დაუშვებელი იყო და მისი სამედიცინო ბრიგადის პრაქტიკაში მსგავს რამეს ადგილი არასოდეს ჰქონია. თუმცა ქალის დაჟინებულმა თხოვნამ ქირურგს აზრი შეაცვლევინა...

ოპერაციაზე შესვლამდე ქალბატონი მდივანთან გაგზავნა, სადაც ამ უკანასკნელს თავისი მონაცემები უნდა ჩაეწერა...

უცნობი ექიმი ქალბატონი არა მარტო დაესწრო, ენერგიულადაც ჩაერთო ოპერაციის მსვლელობაში და რამდენჯერმე გარდამტეხი რჩევებიც მისცა ქირურგს.

ყველაფერმა კარგად ჩაიარა, ქირურგმა უცნობ ექიმ ქალბატონს მადლობა გადაუხადა და საოპერაციოდან გამოვიდა... ანდრიას მშობლები მყის დაეკითხნენ, თუ რა შედეგით დასრულდა ყველაფერი, ქირურგმა კი უეცრად ჰკითხა: "თუ ასეთი ექიმი გყავდათ ბავშვისთვის ნაპოვნი, ვეღარ გამიგია, მე რაღატომ მომმართეთო".

არანაკლებ გაოცებულმა მშობლებმა უარყვეს, - არავითარი ექიმი არ გვყოლია და არც ასეთ ექიმს ვიცნობთო, მაგრამ ქირურგმა ურჩია: - ცოტა მოითმინეთ და თქვენი ექიმი სხვებთან ერთად საოპერაციოდან გამოვაო...

KARIBCHEმოკლედ, ამაოდ ეძებეს უცნობი ქალბატონი, რომელიც გაუჩინარდა, ბოლოს ანდრიას მშობლებმა ისღა ივარაუდეს, ალბათ, რომელიმე ექიმი საბერძნეთიდან თუ კვიპროსიდან თანადგომისათვის ჩამოვიდაო და მდივანთან მისი ვინაობის დასადგენად მივიდნენ, რომ მადლობა გვიან მაინც გადაეხადათ, მაგრამ ყველას გასაოცრად უცნობ ექიმ ქალბატონს ჟურნალში საკუთარი თავი ასე დაეფიქსირებინა: "მარინე ანდროსიდან"...

მაშინღა მიხვდნენ, ვინ შეეწია მათ შვილს, თვალები სიხარულის ცრემლით აევსოთ და გაახსენდათ, რა სიტყვებით დალოცა წმინდა მარინეს სახელობის მონასტრის იღუმენმა გამგზავრებამდე: "წადით ამერიკაში და დაე, წმინდა მარინე იყოს თქვენი შემწე საოპერაციოშიო..."

იმ დღიდან ოჯახმა აღთქმა დადო, კუნძულ ანდროსზე, წმინდა მარინეს მონასტერში ყოველწლიურად დასწრებოდნენ სასწაულთმოქმედი დიდმოწამის დღესასწაულს.
ბეჭდვაელფოსტა
კომენტარი არ გაკეთებულა
სხვა სიახლეები
29.11.2019
მამა ფადეის (თადეოზი) ვიტოვნიცელს, უაღრესად პატივცემულ სერბ მოძღვარს, ოჯახის შესახებ კითხეს:
29.11.2019
- მარხვა რა არის?
ეხლავე აგიხსნიო, უთხრა მამა გაბრიელმა და ჩამოუთვალა მას ბავშვობიდან ჩადენილი მისი ცოდვები.
03.11.2019
ცნობილი საეკლესიო მწერალი სერგი ნილუსი მოგვითხრობს: "დღეს მამა იოსებთან მივედი, მაგრამ არავინ გამომეხმაურა. მამები ისვენებდნენ.
27.12.2018
ღირსი მამა გაბრიელის დედის, მონაზონ ანას ფოტო სოციალურ ქსელში, თინათინ მჭედლიშვილის გვერდზე ვნახე.
26.08.2018
იღუმენია ელისაბედი (ზედგინიძე):
-ერთხელაც, მამა გაბრიელმა მარტყოფის მონასტერში მთხოვა წასვლა.
29.11.2017
გვესაუბრება საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის ისტორიის დოქტორანტი,
27.08.2017
,,ლეგენდის თანახმად, ავღანელებთან ბრძოლისას, ძალაგამოლეულ ქართველებს "თამზანის გორაზე" წმინდა გიორგი გამოეცხადათ
31.07.2017
-ჩემი მარტყოფის მონასტრის წინამძღვრობის დროს ოთხი ძროხა გვყავდა. იქ ძალიან დიდი თოვლის მოსვლა იცის
18.02.2017

-როცა პირველად შევხვდი ბერ იოსებ ისიხასტს, ამბობდა,-გული მაწუხებს და ვემზადები უფალთან შესახვედრადო,-გვიამბობს ავჭალის წმინდა ქეთევან წამებულის სახელობის ტაძრის წინამძღვარი, დეკანოზი გიორგი რაზმაძე:
30.09.2016
"კარიბჭის" ერთგულ მკითხველს კარგად მოეხსენება, რომ ჟურნალის რედაქცია ყოველწლიურად ამზადებს წლის მოსახევ კალენდარს
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ჟურნალი
ჟურნალის ბოლო ნომრები:
სოლომონ მეფის გარდაცვალების შემდეგ, ქრისტეს წინარე 980 წელს, სამეფო ტახტზე მისი ძე რობოამი ავიდა. მძიმე გადასახადებით წელში გამწყდარმა ხალხმა სთხოვა ახალ მეფეს უღლის შემსუბუქება, მაგრამ რობოამმა უარი განაცხადა.