ბერის მზერა ჯადოქრის თვალებს წააწყდა და...
ბერის მზერა ჯადოქრის თვალებს წააწყდა და...
ახალი დროის ცნობილი ამერიკელი ღვთისმეტყველის, მღვდელმონაზონ სერაფიმ როუზის ერთ-ერთ წიგნში აღწერილია საოცარი შემთხვევა, რომელიც ცხადყოფს, თუ რა ძალმოსილია იესოს ლოცვა.

ეს ამბავი შეემთხვა ერთ ბერს, სახელად ნიკოლოზს, რომელმაც ინდოეთში გემით იმოგზაურა.

გზად თურმე ხომალდი საპორტო ქალაქ კოლომბოში შეჩერდა საწვავის შესავსებად. მგზავრებმა ინდოეთის ოკეანის სანაპიროზე გასეირნება განიზრახეს. ერთ-ერთმა ჯგუფმა გადაწყვიტა, რამდენიმე მილით დაცილებულ სოფელში წასულიყო და იქაური ჯადოქარი გაეცნო. სწორედ ამ ჯგუფში მოხვდა ბერი ნიკოლოზიც. გაიარეს ჯუნგლები... ბილიკმა ისინი ერთ უზარმაზარი ხის ქვეშ შეყუჟულ ქოხთან მიიყვანა. შორიახლოს, კოცონთან, ფეხმორთხმით იჯდა ბანგმორეული, ტანთხელი კაცი და მოგიზგიზე ცეცხლს მისჩერებოდა...

სტურმებისთვის ყურადღება არც მიუქცევია. ამ დროს სიბნელიდან ჭაბუკი გამოვიდა. მან ტურისტების თავკაცთან გასაუბრების შემდგომ სტუმრებს ჯორკოები ჩამოურიგა და ისინიც ნახევარწრედ შემოუსხდნენ კოცონს.

ცეცხლიდან სასიამოვნო სუნი იფრქვეოდა, მოხუცი კი ისევ გაუნძრევლად, გარინდული იჯდა კოცონთან...

მთვარის შუქმა ღამის უკუნი გაფანტა და მის მკრთალ ნათელში საგნები უცნაურად გამოჩნდნენ... იდუმალების მოლოდინში ყველა დადუმდა...

უეცრად ერთმა ქალბატონმა წამოიძახა, - შეხედეთ იმ ხესო. ყველამ იქით გაიხედა. იმ ხის ვარჯი, რომლის ძირშიც მოხუცი იჯდა, თითქოს უხილავმა ხელმა ჰაერის საფარველი გადააფარაო, მთვარის ნათელში გადაიღვენთა და მოხაზულობა დაკარგა...

ხალხის გაკვირვებულ მზერას უეცრად წარმოუდგა ზღვის მოლივლივე ტალღები, რომლებიც ერთმანეთზე გადადიოდა და წყალს აჩქაფებდა. ღამის ცა გალურჯდა და თეთრი ღრუბლებით დაიფარა... მალე თეთრი გემი გამოჩნდა, რომელიც სწრაფად მოარღვევდა ტალღებს. მგზავრებმა იცნეს თავიანთი ხომალდი. მაგრამ ყველაზე საოცარი ის გახლდათ, რომ იმ ხომალდზე ყველა საკუთარ თავს ხედავდა, თანაც ისეთი წვრილმანებით, რასაც სინამდვილეში ვერ დაინახავდნენ.

ბერ ნიკოლოზს ერთი პირობა ლამის მიავიწყდა თავისი საამქვეყნო დანიშნულება და ამ სანახაობაში ისიც ჩაერთო... ხიბლი იმდენად ძლიერი იყო, რომ ძარღვებში სისხლი გაეყინა, გული და გონება დაებინდა, მაგრამ სულ მალე საღვთო შიშმა გონს მოიყვანა და ბაგეებმა თავისით აღმოთქვეს: "უფალო იესო ქრისტე, ძეო ღვთისაო, შემიწყალე მე ცოდვილი!"

უეცრად საოცარი შვება იგრძნო, თითქოს უზარმაზარი ლოდებისგან გათავისუფლდაო. ლოცვის მოხშირებასთან ერთად გული ისევ საგულეს ჩაუდგა, ცას ისევ მისჩერებოდა, მაგრამ მოძრავი მირაჟები ნისლივით სადღაც იფანტებოდა... მალე მხოლოდ დიდ ხეს და მის ქვეშ გარინდულ ჯადოქარს ხედავდა, დანარჩენი თანამგზავრები კი ისევ წარმოსახვით სამყაროში მოგზაურობდნენ.

უეცრად ჯადოქარი გვერდზე გადავარდა... შეშფოთებულმა ჭაბუკმა მასთან მიირბინა. სეანსი შეწყდა...

აღფრთოვანებული მგზავრები ერთმანეთს შთაბეჭდილებებს უზიარებდნენ, სეანსის შეწყვეტის ნამდვილ მიზეზს კი, ცხადია, ვერ ხვდებოდნენ.

ჭაბუკმა მომხდარი ჯადოქრის გადაღლას მიაწერა, რომელიც ისევ ძველ ადგილას გაშეშებული იჯდა.

ჯგუფის წევრებმა, მადლობის ნიშნად, ჯადოქარი უხვად დაასაჩუქრეს, ბერი ნიკოლოზიც მიუბრუნდა, რომ ნანახი და განცდილი ზუსტად აღებეჭდა მეხსიერებაში, მაგრამ უეცრად ჯადოქრის თვალებს წააწყდა, რომლებიდანაც სიძულვილი და ზიზღი იფრქვეოდა და კვლავ დარწმუნდა, თუ ვის მიერ აღესრულება ხოლმე მსგავსი "სასწაულები".
ბეჭდვაელფოსტა
31.03. 2019
ზვიად
თეა, ვინ იყო ის “თეოსოფი”? ეხლაც “მოღვაწეობს”?
13.04. 2017
ლია...
ბებერი ბოშა ქალების ყვეთელი, დაბანგული და უსაზღვროდ ბოროტი თვალები გამახსენდა, იესო, გვიშველე!
08.01. 2015
თეა
90-იანებში ახალი წაკითხული მქონდა წმინდა სერაფიმეს წიგნი და ერთხელ როდესაც ნაცნობმა წამიყვანა სახარების განმარტების ლექციის მოსასმენად ერთ-ერთ ოჯახში, იქ ჩემს თავზე გამოვცადე იესოს ლოცვის ძალა. საქმე იმაშია, რომ სახარების განმარტების სანაცვლოდ აღმოვჩნდი თეოსოფის ლექციაზე, რომელსაც გაზეპირებული ჰქონდა სახარება. მაშინ ახალგაზრდა ვიყავი და ეკლესიური ცხოვრებაც ახალი დაწყებული მქონდა, ამას ისიც ემატებოდა, რომ უცხო ადამიანთან ვიყავი სტუმრად და არ მინდოდა უსიამოვნება გამომეწვია, ამიტომ გულში დავიწყე იესოს ლოცვა, მალე ლექტორს მეტყველება აერია, ვეღარ იხსენებდა სახარებიდან მოყვანილ ციტატებს აიშალა, ჩემსკენ მოტრიალდა, თვალებში ჯიქურ მომაცქრდა და კამათშიც გამომიწვია, მე მხოლოდ კითხვა დავუსვი-არსებობს თუ არა ეშმაკი მეთქი. ამაზე უფრო გაშმაგდა, მუქარაზე გადავიდა. მოკლედ ლექცია ჩაიშალა მალე შევიტყვე, რომ ეს თეოსოფი ამხილეს ახალგაზრდებმა მრევლიდან და მისი სულის დამღუპველი ლექციებიც შეწყდა.
სხვა სიახლეები
29.11.2019
მამა ფადეის (თადეოზი) ვიტოვნიცელს, უაღრესად პატივცემულ სერბ მოძღვარს, ოჯახის შესახებ კითხეს:
29.11.2019
- მარხვა რა არის?
ეხლავე აგიხსნიო, უთხრა მამა გაბრიელმა და ჩამოუთვალა მას ბავშვობიდან ჩადენილი მისი ცოდვები.
03.11.2019
ცნობილი საეკლესიო მწერალი სერგი ნილუსი მოგვითხრობს: "დღეს მამა იოსებთან მივედი, მაგრამ არავინ გამომეხმაურა. მამები ისვენებდნენ.
27.12.2018
ღირსი მამა გაბრიელის დედის, მონაზონ ანას ფოტო სოციალურ ქსელში, თინათინ მჭედლიშვილის გვერდზე ვნახე.
26.08.2018
იღუმენია ელისაბედი (ზედგინიძე):
-ერთხელაც, მამა გაბრიელმა მარტყოფის მონასტერში მთხოვა წასვლა.
29.11.2017
გვესაუბრება საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის ისტორიის დოქტორანტი,
27.08.2017
,,ლეგენდის თანახმად, ავღანელებთან ბრძოლისას, ძალაგამოლეულ ქართველებს "თამზანის გორაზე" წმინდა გიორგი გამოეცხადათ
31.07.2017
-ჩემი მარტყოფის მონასტრის წინამძღვრობის დროს ოთხი ძროხა გვყავდა. იქ ძალიან დიდი თოვლის მოსვლა იცის
18.02.2017

-როცა პირველად შევხვდი ბერ იოსებ ისიხასტს, ამბობდა,-გული მაწუხებს და ვემზადები უფალთან შესახვედრადო,-გვიამბობს ავჭალის წმინდა ქეთევან წამებულის სახელობის ტაძრის წინამძღვარი, დეკანოზი გიორგი რაზმაძე:
30.09.2016
"კარიბჭის" ერთგულ მკითხველს კარგად მოეხსენება, რომ ჟურნალის რედაქცია ყოველწლიურად ამზადებს წლის მოსახევ კალენდარს
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
ჟურნალი
ჟურნალის ბოლო ნომრები:
საქართველოს მართლმადიდებელი ეკლესია ახალი სტილით 8-21 დეკემბრამდე ბევრ დიდებულ წმინდანს მოიხსენიებს: