დიდება უფალს
დიდება უფალს
ჭეშმარიტს, ნათელს, მადლის მფენს უხვად,
დიდება უფალს!
ნუგეშს რომ აძლევს ღარიბს და მწუხარს,
დიდება უფალს!
რომ გვაგალობებს და გვალხენს, თუ ხამს,
დიდება უფალს!
ცოდვათა შემნდობს და მეოხს გულთა,
დიდება უფალს!
ყოველთა შემქმნელს, მწყალობელს სულთა,
რომელსაც სიბრძნე იგავით უთქვამს,
დიდება უფალს!
ყოვლის შემძლებელს და ყოვლის მპყრობელს,
გულით და სულით ცასავით სუფთას,
დიდება უფალს!



შემაგებე ხმა - შემოსვლად ღირს ხარ
ავივლი აღმართს მე სულის კვარით,
მწადის გიხილო სულისა თვალით.
ნუ უკუმაგდებ დაქანცულს, დაღლილს,
მომეც საუნჯედ მე შენი სახლი.
ვამღერებ შენთვის ქნარსა და ებანს,
ნუ, ნუ დამალავ შენს სახეს ჩემგან.
ხარ ჩემი ბურჯი, შევძრწუნდე ვისგან?
შემაგებე ხმა - შემოსვლად ღირს ხარ!


***
უფალო, შეგთხოვ, ჩუმი, კრძალული
მხედე, მომაგე მადლი ფარული.
მხედე უპოვარს, უმწეოს, ღარიბს,
მხედე რწმენისა ერთგულს და ტარიგს.
მხედე უფალო, შენს შვილს, მონანულს,
შენს მადიდებელს და შენს მოყვარულს.
მარიდე ცოდვას, უნათე ამ სულს,
შემაძლებინე ვაკეთო რაც გსურს.


მახათას მთასთან
აქ შეუცნობი ტრიალებს მადლი.
მოწამეობის ზეობს სურვილი,
მახათას ზედა სინათლე დასდის,
მთა იდუმალით არის ბურვილი.
ღვთისმშობლის გული ასხივებს სითბოს
მთლად საქართველოს - მაცხოვრის ყვავილს
და ხელაპყრობილ მლოცველთა ფიქრში
ქრისტესთან ყოფნის ნატვრები ჰყვავის...


***
მეგულვი ჩემთან, ჩემს მარჯვნივ დგახარ,
მოწყალე თვალით და სახით მშვიდი,
მაუწყებ სათქმელს, აზრს მაწვდი ახალს,
ბედნიერი ვარ... ვარ შენი შვილი.
მახარებ, მალხენ, სიტყვებით ფერმწერს,
მავსებ სიკეთით, როგორც შემფერის.
მამაო ჩემო, გთხოვ მეყავ შემწედ,
შენს გზას არ აცდეს ჩემი ტერფები.

სინაის მთაზე
დაუკოცნია მთა ანგელოზებს
და ვარდისფერად განათდა თხემი.
აქ, უსათუოდ ამოვა მოსე,
აქ, უმაღლესთან შეხვედრა ელის
და გიხაროდენ, მთაო, სინაის.
შენ გერგო ბედად შეხება ფერხთა
დიადის, ვინაც ისურვა ესე
და მასთან მოსეს შეხვედრა შედგა.


***
კეთილმოსურნე ამაღლდება ცამდე დიდებით,
სიკეთის ძალა სინათლეა მარადიული.
ღმერთს მინდობილი მტერს არასდროს შეუშინდება,
მას განაბრწყინებს მისი ქმნილი საქმე ღვთიური.
უმწეოთათვის გულის სითბო იმედნეული,
შერჩება ხსოვნას, ვით ვარსკვლავის გასხივოსნება.
გაალღობს ყინვას სიკეთის მზე - უფლის რჩეულის
და შერცხვენილი ბოროტება წარიხოცება.


***
ჰა, ჩემი შუბლი, წმიდა ზეთსთვის
გავმზადებულვარ... მინდა კურნება,
ინებე, ჩემო უზენაესო.
რომ შენი შვილი გყავდე უვნებლად.
ო, მეუფეო, შიშით დ კრძალვით
ვდგავარ შენს ხატთან... შენს სახლში ვხარობ...
შეგთხოვ, ინებე, დამტვირთე მადლით,
რომ არ დამიშრეს სიწმინდის წყარო.


***
რად კვნესი სულო... მიენდე უფალს.
მე ჩემს რწმენაში ურყევად ვდგავარ.
მიენდე უფალს, სულო ნუ წუხარ,
ის წმინდა მთამდე მიგიყვანს თავად.
ვაწვიმოთ უხვად სიკეთე - ბროლი.
ავუნთოთ კვარი ჭეშარიტებას
და ვიგალობოთ მოყვასთა შორის -
"მზეს, მაცოცხლებელს, უფალს დიდება"!

ზოია ვაშაკიძე
ბეჭდვაელფოსტა
კომენტარი არ გაკეთებულა
სხვა სიახლეები
24.05.2018
საოცარი სილამაზით შესრულებულ ხელნაკეთ ნამუშევრებს გარდაბნის რაიონში მდებარე სოფელი ვახტანგისის წმინდა ნიკოლოზის მონასტრის წევრები წარმოადგენენ.
20.04.2018

ცაგერისა და ლენტეხის მიტროპოლიტი სტეფანე (კალაიჯიშვილი) - წმიდა ილია მართლის "განდეგილის" სულიერი გააზრებისათვის


წმ. ილია მართლის "განდეგილის" შესახებ მრავალი დაიწერა

25.12.2017
დედამიწაზე რჩეულნი მცირედ
და ჩინებულნი მრავლად არიან,
11.12.2017
არამეულის შემდეგ მამა სერაფიმემ ქართულად პირველად იგალობა - ლამაზი საგალობელი,
10.05.2017
გთავაზობთ ნანა ფერაძის გუნდის მიერ შესრულებულ საგალობლებს. ამ უნიკალური შესრულებით უკვე მსოფლიოს მრავალი ქვეყნის ადამიანები მოიხიბლნენ. უფალმა დალოცოს ჩვენი კულტურა
30.10.2016
-საათივით აწყობილ სამყაროში ყოველთვის მეტის დანახვა მინდოდა, ვიდრე ამას საკუთარი თვალებით ვახერხებდი.
23.02.2016
საბრალო მარიამი, თავისი ნაღვლიანი გამომეტყველებით, ყოველთვის მოღუშული და ჩაფიქრებული ბავშვის შთაბეჭდილებას ტოვებდა ხოლმე.
23.01.2016
შვილო, ახლა ზამთარი და სუსხია ჩვენთან, მაგრამ შეშა ჯერ ბვრი გვაქვს, არ ინერვიულოთ. მე და მამაშენი ყოველ დილით 6 საათსა და 30 წუთზე ვდგებით, წინდებს ამოვაცმევ ხოლმე ბეჩავს,
06.01.2016
ოცდახუთსა დეკემბერსა, ალილო,
ქრისტე იშვა ბეთლემსაო, ალილო
ანგელოზთა გუნდი გალობს, ალილო,
23.12.2015
დიდება მაღალთა შინა ღმერთსა, ქვეყანასა ზედა მშვიდობა და კაცთა შორის სათნოება.
გიგალობთ შენ, გაკურთხევთ შენ, თაყვანის გცემთ, დიდების გმეტყველებთ შენ და გმადლობთ შენ დიდისა დიდებისა შენისათვის.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30
"არ შეიძლება, რომ ვუყუროთ მხოლოდ ეკონომიკას. რად გვინდა ისეთი ეკონომიკა, თუ დავკარგავთ ჩვენს შვილებს",