წმინდა გრიგოლ ხანძთელის დროინდელ ეკლესიას და მის მოღვაწეთ გვერდში ედგნენ და სახელწიფოს საკეთილდღეოდ ერთად იღწვოდნენ
წმინდა გრიგოლ ხანძთელის დროინდელ ეკლესიას და მის მოღვაწეთ გვერდში ედგნენ და სახელწიფოს საკეთილდღეოდ ერთად იღწვოდნენ
მიტროპოლიტი ელისეს (ჯოხაძე) მოგონებები:
-ეპისკოპოსად ხელდასხმის შემდეგ ეპარქიის საკათედრო ტაძარში სააღდგომოდ ჩავედი. ღვთის წყალობით საქმე და საკეთებლი ბევრი დამხვდა. გონებაში გეგმებს ვაწყობდი საქმის კეთება საიდან და როგორ დამეწყო ეკონომიურად მცირე შესაძლებლობის მქონე ეპარქიაში. ამ დროს მაუწყეს სტუმრების მოსვლა, რომლებსაც ჩემთან შეხვედრა და საქმიანი საუბარი სურდათ.

სტუმარი ღვთისაა, მითუმეტეს აღდგომა დღეს მობრძანებული. ისინი ერთ-ერთი საზოგადოების თავკაცები აღმოჩნდნენ. ჩვენი საუბარი მათი მხრიდან გაჯერებული იყო ეკლესიისადმი კეთილგანწყობით, ბოლოს ისინი დაინტერესდნენ თუ რაში მჭრდებოდა მათგან მხარდაჭერა და დახმარება.

ჩვენს დროში ძალიან ძნელია ავტომანქანის გარეშე საქმის კეთება, მითუმეტეს მთიან კუთხეში, სადაც საზოგადოებრივი ტრანსპორტიც იშვიათად დადის და თუ დადის, უმეტესად ცენტრალურ გზაზე. შემოთავაზებული დამხმარების სურვილმა და მათ გულახდილობაში დარწმუნებულმა, კეთილის მყოფელ ქველმოქმედებს შევკადრე, რომ პირველ რიგში, თუ ეს შესაძლებელი იქნებოდა, საჭირო იყო უპრეტენზიო მარკის რაღაც მანქანა, ეპარქიის ტერიტორიაზე გადასაადგილებლად.

-იცით მამაო! გრიგოლ ხანძთელი ჯორით დადიოდაო! გულმოსული და დამრიგებლური ტონით გამახსენა ერთ-ერთმა "საზოგადო მოღვაწემ" ეპიზოდი წმინდა მამის ცხოვრებიდან. ამ არასერიოზული პასუხის შემდეგ მათთან საქმიანი საუბრის გაგრძელება კედელზე ცერცვის შეყრად ჩავთვალე. ასეთ სტუმრებთან ურთიერთობა სააღდგომო სუფრასთანაც კი არასასურველია. მათ ეს შემატყვეს და მადლობა ღმერთს, მალე წავიდნენ. ღმერთმა დაგვიფაროს მოღვაწეობაში გრიგოლ ხანძთელს რომ შევედაროთ, მაგრამ ისიც უნდა ახსოვდეს ყველას, რომ წმინდა გრიგოლ ხანძთელის დროინდელ ეკლესიას და მის მოღვაწეთ, გვერდში ედგნენ და სახელწიფოს საკეთილდღეოდ ერთად იღწვოდნენ: ღვთივკურთხეული მეფე და მხედრობა, კეთილმსახური ერი და უანგარო ქტიტორები, და არა უღმერთო კომუნისტები, კოსმოპოლიტი ნაკომუნისტარები და ინტელიგენციის ზოგიერთიწარმომადგენელი, რომლებიც ქვეყნის სამარცხვინოთ და თავისი სულის წარსაწყმედად ჩვენი ერისა და ეკლესიის სიწმინდეებს და წმინდანებს სიტყვით და პრესის საშუალებით ღიად შეურაცხყოფენ.

რაც შეეხება ჯორს, ეს პირუტყვი იმ ეპოქის მსოფლიოსათვის ადამიანთა გადაადგილების საუკეთესო საშუალებად ითვლებოდა, ჩვენს დროსთან მიმართებაში კი თუ მეტი არა, დღევანელი პრესტიჟული ავტომობილის ტოლფასი იყო. ისე, რომ ეს პირუტყვი ზოგიერთი კაცუნას ხელწამოსაკრავი არ არის.



ბეჭდვაელფოსტა
კომენტარი არ გაკეთებულა
სხვა სიახლეები
02.09.2019
ბერი იოსები გვარიგებდა: "ძილის შემდეგ, თვალის გახელისთანავე დაიწყე იესოს ლოცვა. არ მისცე გონებას ფუსფუსის უფლება,
02.08.2019
არქიმანდრიტი ფოკას (მარკოზია) მოგონებებიდან

ფოკის მონასტერში მოღვაწეობის
23.06.2019
მინდა მოგმართოთ თხოვნით, რომ ფრთხილად იყოთ და არ დაუშვათ რამე შეცდომა, - ამის შესახებ საქართველოს კათოლიკოს პატრიარქმა ილია მეორემ სამების საკათედრო ტაძარში
28.05.2019
ბოლო დროს გარეჯის მრავალმთის უდაბნოსთან დაკავშირებით, განვითარებული მოვლენების ანალიზი ტოვებს შთაბეჭდილებას იმისა, რომ აზერბაიჯანსა და საქართველოს შორის
15.05.2019
წმინდა ათანასე დიდი, ალექსანდრიის მთავარეპისკოპოსი, ეკლესიის უდიდესი მამა
25.03.2019
ხაშურის წმინდა იოანე ნათლისმცემლის სახელობის საკათედრო ტაძრის დეკანოზი ნიკოლოზ ბითაძე:
22.03.2019
მიტროპოლიტი დავითი, ერისკაცობაში გივი, გრიგოლი ივანეს ძე (ჭკადუა) დაიბადა 1926 წლის 22 მარტს, ქ. თბილისში. პროფესიით ექიმი გახლდათ.
30.11.2018
1 დეკემბერი მამა ვიტალის (სიდორენკო) გარდაცვალების დღეა
არქიმანდრიტი ანდრია (ტარიადისი) იხსენებს:
12.11.2018
ბერი ერმოლაოსი (ჭეჟია):
-აქ, ათონზე ერთი, უკვე ხანდაზმული ბერი ცხოვრობს-ბერი სოფრონი, მას უფლის წინაშე
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
ყოვლადწმიდა ღვთისმშობლის შობას მართლმადიდებელი ეკლესია ახალი სტილით 21 სექტემბერს დღესასწაულობს.