არქიმანდრიტი კრონიდი ყვებოდა: "წმინდა სერაფიმე საროველის ნაწილთა აღმოყვანების დღეს, სმოლენსკის ღვთისმშობლის სახელობის ტაძრიდან დავბრუნდი ადრიანი ლიტურგიიდან, დივანზე მივჯექი. გულისთქმებით შეწუხებულს მიმეძინა. ძილ-ღვიძილში თუ ცხადში ვხედავ, ჩემი კელიის კარები გაიღო და ღირსი სერაფიმე შემოვიდა. ატირებულმა დავუჩოქე და ვთხოვე: "დამეხმარე, წმინდაო ღმრთისაო, გულისთქმებით გატანჯულს". პასუხად კი ალერსიანი და მამობრივი სიტყვები მომესმა: "დაუეჭვებლად გწამდეს უფალი ღმერთის და ჩვენი მაცხოვრის იესო ქრისტესი, რომელიც სოფელში გატანჯულთა სახსნელად მოვიდა. ყოველდღიურად იკითხე წმინდა სახარება, იყავი მშვიდი, მდაბალი და ჰპოვო განსვენება სულისა შენისა. ამ ნუგეშისცემის სიტყვების მერე, გონსმოსულმა, უდიდესი სიხარული ვიგრძენ. ამ გამოცხადების მერე ვერ ვიტყვი, რომ გულისთქმები მთლიანად გამიქრა, მაგრამ მათ წინანდელზე ძლიერ შევებრძოლე".