ეს საინტერესოა
ეს საინტერესოა
ქოლგას დიდი ხნის ისტორია ჰქონია
ჩემო ერთგულო მკითხველო, შენ ალბათ ვერც კი წარმოგიდგენია, რომ მანდილოსნებისა და არა მარტო მათ ყველა სეზონის უმნიშვნელოვანეს ატრიბუტს - ქოლგას დიდი ხნის ისტორია აქვს.

ქოლგა ჩინეთში გამოიგონეს და უმთავრესად მზისგან თავდასაცავად იყენებდნენ. მოგვიანებით ქოლგის გამოყენება ასურეთსა და ეგვიპტეშიც დაიწყეს. იმხანად ის ძალაუფლების სიმბოლოც კი იყო: უძველეს დროში შორეულ აღმოსავლეთში ქოლგის გამოყენების უფლება მხოლოდ სამეფო ოჯახის წევრებსა და მეფის სასახლის უმაღლესი თანამდებობების პირებს ჰქონდათ.

თურმე ფერის მიხედვით იმის გაგებაც შეიძლებოდა, საზოგადოების რომელ ფენას განეკუთვნებოდა ესა თუ ის ადამიანი. წითელი ან ყვითელი ქოლგის მფლობელი სამეფო გვარის წარმომადგენელი იყო, ლურჯს კი მდაბიო ხალხი ატარებდა.

მოგვიანებით ქოლგას სხვა ფუნქციაც "შეუთავსეს" - მარტო მწველი მზისგან კი არა, აღმოსავლეთისთვის დამახასიათებელი კოკისპირული წვიმებისგანაც იცავდნენ თავს.

ქოლგებს ძირითადად თეთრი ხის ქერქის ან ბამბუკისგან ამზადებდნენ. თანაც ზეთით პოხავდნენ, ზეთი ხომ წვიმის წვეთებს "იგერიებს".

აღმოსავლეთიდან ქოლგა - ძველ საბერძნეთში, ხოლო მოგვიანებით - რომში გავრცელდა, სადაც მას ძირითადად მანდილოსნები იყენებდნენ. XVI საუკუნის დასაწყისში ამ მეტად საჭირო ნივთს დასავლეთ ევროპაც გეცნო. ძველი საბერძნეთისა და რომის მსგავსად, ქოლგით აქაც უმეტესად მანდილოსნები იწონებდნენ თავს. ერთ მშვენიერ დღეს კი სპარსმა მოგზაურმა და მწერალმა - იონას ჰენვეიმ ლონდონისთვის ჩვეულ წვიმიან დღეს ქოლგა დაიჭირა და ქუჩაში ისე გამოვიდა. მოგზაურს ბევრმა დასცინა, ზოგიერთმა ქვებიც კი დაუშინა, მაგრამ სწორედ მისი წყალობით გახდა ეს საოცარი ნივთი პოპულარული მამაკაცებს შორისაც. ინგლისელი ჯენტლმენები ქოლგას, ინგლისში მისი შემომტანის პატივსაცემად, "ჰენვეისაც" კი უწოდებდნენ.
ბეჭდვაელფოსტა
კომენტარი არ გაკეთებულა
სხვა სიახლეები
07.01.2010
(ლეგენდა)
ალბათ ყველას გიყვართ საშობაო ნაძვის ხე და გიხარიათ მისი მორთვა-მოკაზმვა, მაგრამ ის თუ იცით, რატომ ვრთავთ ყოველთვის მაინცდამაინც ნაძვს და არა რომელიმე სხვა ხეს? არა?
25.12.2008
წმინდა სალომე უჯარმელი და პეროჟავრა სივნიელი ქართველთა განმანათლებლის, წმინდა ნინოს უახლოესი თანაშემწენი იყვნენ. მათ წმინდა ნინოსთან ერთად უამრავი ჭირი და განსაცდელი გადაიტანეს ქრისტეს სარწმუნოების გასავრცელებლად.
25.12.2008
მიტრა - უფლის გვირგვინის სიმბოლო
მღვდელს ერთგული მსახურებისთვის მიტრის ტარების პატივითაც აჯილდოებენ. ეს პატივი ყველა მღვდელმთავარს აქვს.
25.12.2008
პირველ ხელნაწერ "ვეფხისტყაოსანს" ჩვენს დრომდე არ მოუღწევია. ყველაზე ძველი ტექსტის ხელნაწერი XVII საუკუნისა ყოფილა, თუმცა ზოგიერთ, კიდევ უფრო ძველ ხელნაწერებზე შემორჩენილია "ვეფხისტყაოსნის" ნაწყვეტები.
25.12.2008
კუზიანი მონაზონი, რომელსაც ანგელოზის სული ჰქონდა
ვიცი, დიდ სამებაში აუცილებლად იქნები ნამყოფი, მაგრამ თბილისში კიდევ არის წმინდა სამების სახელობის ტაძრები. მათგან ერთ-ერთი ეროვნული ბიბლიოთეკის სიახლოვესაა...
25.12.2008
მსოფლიოს უდიდესი მუზეუმები
ჩემო ცნობისმოყვარე მკითხველო, "მუზეუმი" მომდინარეობს ბერძნული სიტყვიდან "მუზეიონ". ძველ საბერძნეთში ეს სიტყვა აღნიშნავდა ადგილს, რომელსაც ხელოვნების მფარველი ქალღმერთები იცავდნენ.
25.12.2008
ჭია, ჭია-მაია
სისხლის ცრემლები
ჩემო პატარა მეგობარო, ცხოველების უმრავლესობა გარემო პირობებს ადვილად ეგუება - ზოგი ნაირგვარადაა შეფერილი, გარემოს ეხამება და ამის წყალობით საიმედოდაა დაცული მტრის თავდასხმისგან;
25.12.2008
"თეკლეს ახალწელიწადი"
საშინლად ჰყინავს, საშინლად. დედამიწას სულ რაკარუკი გაუდის. მოკრიალებული ცა ვარსკვლავებით არის მოჭედილი, მხოლოდ ჭირხლმოკიდებული მთვარე პირბადეჩამოფარებული პატარძალივით ინაზება და მკრთალ ნათელსა ჰყრის ქვეყანაზე.
25.12.2008
საქართველოს გაძლიერებას, მის მისწრაფებას დაებრუნებინა ბიზანტიის მიერ მიტაცებული ქართველური ტომებით - ლაზებით დასახლებული შავი ზღვის სამხრეთ სანაპირო, რუმის (დღევანდელი თურქეთის ტერიტორიაზე არსებული თურქულ-სელჩუკური სახელმწიფო) სულთან რუქნადინის შეშფოთებას იწვევდა.
27.11.2008
წმინდა მამები საქართველოსკენ დაიძრნენ
VI საუკუნეში საქართველოს მეფეს და კათოლიკოსს ანგელოზები გამოეცხადნენ, რომელთაც აუწყეს, რომ ღვთისმშობლის ნებითა და კურთხევით საქართველოში ჩამოვიდნენ აღმოსავლეთის უდაბნოებში გაბრწყინებული წმინდა მამები
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
ბერი ეფრემ კატუნაკელი:

"- დღე-ღამეში ნახევარი საათი დაუთმე იესუს ლოცვას. ილოცე, როცა შეძლებ,
საიტის პარტნიორები