ჩვენი ისტორია
ჩვენი ისტორია
"როგორ ბედავთ, სამშობლოს თავისუფლებისთვის მებრძოლს ღალატს რომ მთხოვთ?!"
გამარჯობა, ჩემო ძვირფასო მეგობარო!
დღეს სასულიერო პირზე კი არა, მეოცე საუკუნის დასაწყისში, ავბედით დროს მცხოვრებ ერთ რიგით ქართველზე უნდა გიამბო.

გაბრიელ ბერი ამბობდა, - მხოლოდ რწმენისა და სამშობლოსთვის თავდადებულს ძალუძს, უყოყმანოდ მოგვახვეჭინოს სამოთხეო...

ქაქუცა ჩოლოყაშვილის სახელი ხომ გსმენია? იმედია, გეცოდინება, ქაქუცა ხომ საქართველოს ეროვნული გმირია. ეს კაციც, ვისზეც ახლა გიამბობ, ნამდვილი გმირია, რომლის სახელიც არავინ იცის, გვარად კი ჯამასპიშვილი გახლდათ, ქაქუცას ერთ-ერთი თანამებრძოლი.

თავისიანების ადგილსამყოფელის გამხელას სთხოვდნენ უღმერთოები, მაგრამ არ გასცა...

1922 წელი იდგა, უმძიმესი დრო იწყებოდა საქართველოსთვის...

ბრძოლაში ფეხში დაჭრილი ჯამასპიშვილი რუსმა სალდათებმა შეიპყრეს.

- სკამიო, - იყვირა ტყვემ.

მიუტანეს სკამი, დასვეს.

- ჩემგან რა გნებავთ? - იკითხა დაჭრილმა.

- გვითხარი, რამდენი არიან ქაქუცას რაზმში და ვინ ჰყავთ თანამოაზრენი?!

- წყალი! - მოკლედ მოუჭრა ჯამასპიშვილმა. შესვა და მტერს ქორივით გადახედა. უცებ ფეხზე წამოიჭრა და თქვა:

- ქართველი ხალხის ჯალათნო, როგორ ბედავთ და სამშობლოს თავისუფლებისთვის მებრძოლს ღალატს სთხოვთ?! ფუ თქვენს ნამუსს! ეს ჩემი უკანასკნელი სიტყვაა, მეტს აღარაფერს გეტყვით! - თქვა და ჭრილობებით დასუსტებული პირქვე დაეცა.

ჯალათები წამსვე მისცვივდნენ, ცემა-ტყეპით კვლავ წამოაყენეს და დაემუქრნენ: ახლავე თქვი ყველაფერი, თორემ დაგხვრეტთო.

ასე აწამეს რამდენიმე დღე, მაგრამ კრინტიც ვერ დააძვრევინეს. ბოლოს გაცოფებულებმა დასახვრეტად გაიყვანეს და უკანასკნელად გააფრთხილეს: ყველაფერი თქვი და სიცოცხლეს გაჩუქებთო. დაუძლურებულმა ტყვემ თავი მდუმარედ დაუქნია. ჯალათები რომ მიუახლოვდნენ, უკანასკნელი ძალა მოიკრიბა და სახეში შეაფურთხა საქართველოს მტრებს...

წუთიც არ გასულა, ტყვიით განგმირული ჯამასპიშვილი მისთვის წინასწარ გათხრილ სამარეში ჩაეშვა...
ბეჭდვაელფოსტა
კომენტარი არ გაკეთებულა
სხვა სიახლეები
07.01.2010
(ლეგენდა)
ალბათ ყველას გიყვართ საშობაო ნაძვის ხე და გიხარიათ მისი მორთვა-მოკაზმვა, მაგრამ ის თუ იცით, რატომ ვრთავთ ყოველთვის მაინცდამაინც ნაძვს და არა რომელიმე სხვა ხეს? არა?
25.12.2008
წმინდა სალომე უჯარმელი და პეროჟავრა სივნიელი ქართველთა განმანათლებლის, წმინდა ნინოს უახლოესი თანაშემწენი იყვნენ. მათ წმინდა ნინოსთან ერთად უამრავი ჭირი და განსაცდელი გადაიტანეს ქრისტეს სარწმუნოების გასავრცელებლად.
25.12.2008
მიტრა - უფლის გვირგვინის სიმბოლო
მღვდელს ერთგული მსახურებისთვის მიტრის ტარების პატივითაც აჯილდოებენ. ეს პატივი ყველა მღვდელმთავარს აქვს.
25.12.2008
პირველ ხელნაწერ "ვეფხისტყაოსანს" ჩვენს დრომდე არ მოუღწევია. ყველაზე ძველი ტექსტის ხელნაწერი XVII საუკუნისა ყოფილა, თუმცა ზოგიერთ, კიდევ უფრო ძველ ხელნაწერებზე შემორჩენილია "ვეფხისტყაოსნის" ნაწყვეტები.
25.12.2008
კუზიანი მონაზონი, რომელსაც ანგელოზის სული ჰქონდა
ვიცი, დიდ სამებაში აუცილებლად იქნები ნამყოფი, მაგრამ თბილისში კიდევ არის წმინდა სამების სახელობის ტაძრები. მათგან ერთ-ერთი ეროვნული ბიბლიოთეკის სიახლოვესაა...
25.12.2008
მსოფლიოს უდიდესი მუზეუმები
ჩემო ცნობისმოყვარე მკითხველო, "მუზეუმი" მომდინარეობს ბერძნული სიტყვიდან "მუზეიონ". ძველ საბერძნეთში ეს სიტყვა აღნიშნავდა ადგილს, რომელსაც ხელოვნების მფარველი ქალღმერთები იცავდნენ.
25.12.2008
ჭია, ჭია-მაია
სისხლის ცრემლები
ჩემო პატარა მეგობარო, ცხოველების უმრავლესობა გარემო პირობებს ადვილად ეგუება - ზოგი ნაირგვარადაა შეფერილი, გარემოს ეხამება და ამის წყალობით საიმედოდაა დაცული მტრის თავდასხმისგან;
25.12.2008
"თეკლეს ახალწელიწადი"
საშინლად ჰყინავს, საშინლად. დედამიწას სულ რაკარუკი გაუდის. მოკრიალებული ცა ვარსკვლავებით არის მოჭედილი, მხოლოდ ჭირხლმოკიდებული მთვარე პირბადეჩამოფარებული პატარძალივით ინაზება და მკრთალ ნათელსა ჰყრის ქვეყანაზე.
25.12.2008
საქართველოს გაძლიერებას, მის მისწრაფებას დაებრუნებინა ბიზანტიის მიერ მიტაცებული ქართველური ტომებით - ლაზებით დასახლებული შავი ზღვის სამხრეთ სანაპირო, რუმის (დღევანდელი თურქეთის ტერიტორიაზე არსებული თურქულ-სელჩუკური სახელმწიფო) სულთან რუქნადინის შეშფოთებას იწვევდა.
27.11.2008
წმინდა მამები საქართველოსკენ დაიძრნენ
VI საუკუნეში საქართველოს მეფეს და კათოლიკოსს ანგელოზები გამოეცხადნენ, რომელთაც აუწყეს, რომ ღვთისმშობლის ნებითა და კურთხევით საქართველოში ჩამოვიდნენ აღმოსავლეთის უდაბნოებში გაბრწყინებული წმინდა მამები
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
ჟურნალი
ჟურნალის ბოლო ნომრები:
13 ნოემბერს მართლმადიდებელი ეკლესია 100 ათასი მოწამის ხსენების დღეს აღნიშნავს.