ისტორია
ისტორია
ვინ იყო გაერთიანებული საქართველოს პირველი მეფე
სამეფო-სამთავროებად დაშლილ ქვეყანაში ორ საუკუნეზე მეტხანს გრძელდებოდა ბრძოლა პირველობისათვის, რომელიც გაერთიანებისთვის ბრძოლაც იყო.

ბრძოლის ძირითადი ობიექტი იყო ქართლი - ქვეყნის ცენტრი. ვინც მას დაეუფლებოდა, პოლიტიკური, ეკონომიკური და მორალური უპირატესობაც მის ხელთ იქნებოდა.

ბრძოლა ცვალებადი წარმატებით მიმდინარეობდა. პირველობა ჯერ კახეთმა ჩაიგდო ხელში, შემდეგ - აფხაზეთმა, რომელმაც ქართლი დაიკავა და თავისი ერისთავი დასვა. X საუკუნის 70-იან წლებში აფხაზთა სამეფო დასუსტდა და დაწინაურდა ტაო-კლარჯეთი, რომელიც გაძლიერდა დავით III კურაპალატის მეფობის დროს - X საუკუნის II ნახევარში.

ქართლის ერისთავმა იოანე მარუშისძემ დავით კურაპალატს შესთავაზა, ქართული მიწების ერთ სამეფოდ გაერთიანებას ჩასდგომოდა სათავეში და ხელი შეეწყო ბაგრატ III-ის გამეფებისთვის.

ბაგრატ III ჯერ კიდევ არასრულწლოვანი იყო, მაგრამ სამი ტახტის მემკვიდრედ ითვლებოდა. ის იყო "ქართველთა მეფის" ბაგრატ II-ის შვილიშვილის გურგენის ძე; ტაოს პატრონის დავით კურაპალატის მემკვიდრე, რომელსაც შვილი არ ჰყავდა და თავისი ნათესავი ბაგრატი გაზარდა მემკვიდრედ; ამასთანავე - აფხაზთა მეფის უსინათლო და უშვილო თეოდოსის დისშვილი და მემკვიდრე.

975 წელს დავით კურაპალატი ჯარით შევიდა შიდა ქართლში და უფლისციხეში შეკრებილ იქაურ აზნაურებს ბაგრატის მორჩილება უბრძანა.

978 წელს უკვე სრულწლოვანი ბაგრატ III ქუთაისში მეფედ აკურთხეს. თეოდოსი ბაგრატმა ტაოში, დავით კურაპალატთან გაგზავნა.

980 წელს ბაგრატ III ქართლში გადმოვიდა საქმეების მოსაწესრიგებლად. ქართლის დიდაზნაურებს არ სურდათ, მათ პარპაშს ფრთები შეჰკვეცოდა, ამიტომ ქავთარ ტბელის მეთაურობით მეფეს ქართლის საზღვართან დაუხვდნენ და ბრძოლა გაუმართეს. ბაგრატმა დაამარცხა ისინი, მოვიდა უფლისციხეში და ქვეყნის მართვას შეუდგა.

მტკიცე ადმინისტრაციული ღონისძიებებით მეფემ ქვეყანაში წესრიგი დაამყარა, თავნება აზნაურებს კი ურჩობის ხალისი დაუკარგა.

1001 წელს დავით კურაპალატი გარდაიცვალა და ბიზანტიის იმპერატორმა ბაგრატს უბოძა კურაპალატობა. 1008 წელს გარდაიცვალა ბაგრატის მამა მეფე გურგენი და მის გამგებლობაში მყოფი შავშეთ-კლარჯეთი და სამცხე-ჯავახეთი ბაგრატ III-ის სამფლობელოს შემოუერთდა. 1008-1010 წლებში კი მეფემ ბრძოლით შემოიერთა კახეთი და ჰერეთი.

ბაგრატ III-ის ხელისუფლების ქვეშ გაერთიანდა მთელი საქართველო. მხოლოდ თბილისი და ქვემო ქართლი რჩებოდა მაჰმადიანი ამირების ხელში.

ბაგრატ III იყო გაერთიანებული საქართველოს პირველი მეფე. იგი იწოდებოდა "მეფედ აფხაზთა, ქართველთა, რანთა და კახთა". ერთიანი საქართველოს დედაქალაქი ქუთაისი გახდა.

ბაგრატ III 1014 წელს გარდაიცვალა. დაკრძალეს მის მიერ აშენებულ ბედიის ტაძარში.

ნათელა ჯანგულაშვილი
ბეჭდვაელფოსტა
კომენტარი არ გაკეთებულა
სხვა სიახლეები
07.01.2010
(ლეგენდა)
ალბათ ყველას გიყვართ საშობაო ნაძვის ხე და გიხარიათ მისი მორთვა-მოკაზმვა, მაგრამ ის თუ იცით, რატომ ვრთავთ ყოველთვის მაინცდამაინც ნაძვს და არა რომელიმე სხვა ხეს? არა?
25.12.2008
წმინდა სალომე უჯარმელი და პეროჟავრა სივნიელი ქართველთა განმანათლებლის, წმინდა ნინოს უახლოესი თანაშემწენი იყვნენ. მათ წმინდა ნინოსთან ერთად უამრავი ჭირი და განსაცდელი გადაიტანეს ქრისტეს სარწმუნოების გასავრცელებლად.
25.12.2008
მიტრა - უფლის გვირგვინის სიმბოლო
მღვდელს ერთგული მსახურებისთვის მიტრის ტარების პატივითაც აჯილდოებენ. ეს პატივი ყველა მღვდელმთავარს აქვს.
25.12.2008
პირველ ხელნაწერ "ვეფხისტყაოსანს" ჩვენს დრომდე არ მოუღწევია. ყველაზე ძველი ტექსტის ხელნაწერი XVII საუკუნისა ყოფილა, თუმცა ზოგიერთ, კიდევ უფრო ძველ ხელნაწერებზე შემორჩენილია "ვეფხისტყაოსნის" ნაწყვეტები.
25.12.2008
კუზიანი მონაზონი, რომელსაც ანგელოზის სული ჰქონდა
ვიცი, დიდ სამებაში აუცილებლად იქნები ნამყოფი, მაგრამ თბილისში კიდევ არის წმინდა სამების სახელობის ტაძრები. მათგან ერთ-ერთი ეროვნული ბიბლიოთეკის სიახლოვესაა...
25.12.2008
მსოფლიოს უდიდესი მუზეუმები
ჩემო ცნობისმოყვარე მკითხველო, "მუზეუმი" მომდინარეობს ბერძნული სიტყვიდან "მუზეიონ". ძველ საბერძნეთში ეს სიტყვა აღნიშნავდა ადგილს, რომელსაც ხელოვნების მფარველი ქალღმერთები იცავდნენ.
25.12.2008
ჭია, ჭია-მაია
სისხლის ცრემლები
ჩემო პატარა მეგობარო, ცხოველების უმრავლესობა გარემო პირობებს ადვილად ეგუება - ზოგი ნაირგვარადაა შეფერილი, გარემოს ეხამება და ამის წყალობით საიმედოდაა დაცული მტრის თავდასხმისგან;
25.12.2008
"თეკლეს ახალწელიწადი"
საშინლად ჰყინავს, საშინლად. დედამიწას სულ რაკარუკი გაუდის. მოკრიალებული ცა ვარსკვლავებით არის მოჭედილი, მხოლოდ ჭირხლმოკიდებული მთვარე პირბადეჩამოფარებული პატარძალივით ინაზება და მკრთალ ნათელსა ჰყრის ქვეყანაზე.
25.12.2008
საქართველოს გაძლიერებას, მის მისწრაფებას დაებრუნებინა ბიზანტიის მიერ მიტაცებული ქართველური ტომებით - ლაზებით დასახლებული შავი ზღვის სამხრეთ სანაპირო, რუმის (დღევანდელი თურქეთის ტერიტორიაზე არსებული თურქულ-სელჩუკური სახელმწიფო) სულთან რუქნადინის შეშფოთებას იწვევდა.
27.11.2008
წმინდა მამები საქართველოსკენ დაიძრნენ
VI საუკუნეში საქართველოს მეფეს და კათოლიკოსს ანგელოზები გამოეცხადნენ, რომელთაც აუწყეს, რომ ღვთისმშობლის ნებითა და კურთხევით საქართველოში ჩამოვიდნენ აღმოსავლეთის უდაბნოებში გაბრწყინებული წმინდა მამები
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
ჟურნალი
ჟურნალის ბოლო ნომრები:
Pleas creat article