მონაზონი
მონაზონი
"მოვდიოდით სიონიდან და მთელი ქუჩა ჩვენ გვიყურებდა..."
დღეს პირველად უნდა გიამბო მონაზონზე, უმშვენიერეს, დიდი სულიერების მქონე დედა ელეონორა დადიანზე.

იგი სამეგრელოში თეკლათის დედათა მონასტრის წინამძღვარი იმ წლებში იყო, როცა ახალგასაბჭოებულ საქართველოში ხელისუფლებამ მღვდლებსა და მონაზვნებს სასტიკი განაჩენი გამოუტანა, მაგრამ დედა ელეონორას უდიდესი ძალისხმევით მონასტერი განადგურებას ბევრჯერ გადაურჩა.

უსათნოესი იღუმენია ელეონორა სამეგრელოს მთავრის ძმისწულის, გრიგოლ დადიანის მეუღლე იყო, ათი შვილის დედა, რომელთაგან უმრავლესობა კომუნისტურმა ტერორმა იმსხვერპლა...

უმძიმესი ცხოვრება ჰქონდა ულამაზეს, ერთი შეხედვით, ნაზ ქალბატონს, უბედურება თითქოს კვალდაკვალ დაჰყვებოდა, მაგრამ იმხელა რწმენა ჰქონდა, ღვთისადმი მადლობის გარდა არასოდეს არაფერი დასცდენია...

1913 წელს, როცა მისი მეუღლე, 47 წლის გრიგოლ დადიანი უეცრად გარდაიცვალა, მონაზვნად აღიკვეცა.

მისი ერთ-ერთი ნათესავი იგონებდა:

- თუ დედა ელეონორა თბილისში ჩამობრძანდებოდა, სიონში ესწრებოდა ხოლმე წირვა-ლოცვას. ღვთისმშობლის ხატთან უყვარდა დგომა... სიტყვაც კი არ მყოფნის მისი სულიერი და გარეგნული სილამაზის აღსაწერად...

მეოცე საუკუნის ოციან წლებში წირვაზე დასწრება ძალიან სახიფათო იყო, რადგან ყველგან ხელისუფლების წარმომადგენლები გვითვალთვალებდნენ. შიშით დაზაფრული ადამიანები ეკლესიებს ვეღარ ეკარებოდნენ. ლოცვებზე ხალხი კანტიკუნტად იდგა...

მაშინდელი პატრიარქი, აწ წმინდანად შერაცხული ამბროსი ხელაია, გადასახლებიდან რომ დაბრუნდა, დედა ელეონორამ თბილისში მოინახულა.

არასოდეს დამავიწყდება მისი სახე... სიონიდან ფეხით წამოვედით და მთელი ქუჩა ჩვენ გვიყურებდა. სამონაზვნო მანტიით შემოსილს და მდუმარედ მომავალს, მისი სულიერი და გარეგნული სილამაზით აღფრთოვანებული ადამიანები უნებურად გზას უთმობდნენ...

ამ ჩუმი თაყვანისცემითა და ყურადღებით შეწუხებული დედა ელეონორა კი ცდილობდა, ჩქარა გასცლოდა ქუჩას...

ვეღარ გაუძლო ამდენ გასაჭირს, 1933 წლის შემოდგომას უკანასკნელი ძალა მოიკრიბა, სოფელ ხორშში მეუღლისა და ერთ-ერთი შვილის საფლავები მოინახულა და რძლის ხელში დალია სული...

იმ დროს მთავრობამ სასტიკად აკრძალა მონაზონთა მონასტრის ტერიტორიაზე დასაფლავება, მაგრამ მონასტრის მცველმა, ებრაელმა კაცმა, ორი დღით დატოვა თეკლათის ეზო და დედა ელეონორას ნათესავებს მისი მონასტრის ეზოში დაკრძალვის საშუალება მისცა.
ბეჭდვაელფოსტა
კომენტარი არ გაკეთებულა
სხვა სიახლეები
07.01.2010
(ლეგენდა)
ალბათ ყველას გიყვართ საშობაო ნაძვის ხე და გიხარიათ მისი მორთვა-მოკაზმვა, მაგრამ ის თუ იცით, რატომ ვრთავთ ყოველთვის მაინცდამაინც ნაძვს და არა რომელიმე სხვა ხეს? არა?
25.12.2008
წმინდა სალომე უჯარმელი და პეროჟავრა სივნიელი ქართველთა განმანათლებლის, წმინდა ნინოს უახლოესი თანაშემწენი იყვნენ. მათ წმინდა ნინოსთან ერთად უამრავი ჭირი და განსაცდელი გადაიტანეს ქრისტეს სარწმუნოების გასავრცელებლად.
25.12.2008
მიტრა - უფლის გვირგვინის სიმბოლო
მღვდელს ერთგული მსახურებისთვის მიტრის ტარების პატივითაც აჯილდოებენ. ეს პატივი ყველა მღვდელმთავარს აქვს.
25.12.2008
პირველ ხელნაწერ "ვეფხისტყაოსანს" ჩვენს დრომდე არ მოუღწევია. ყველაზე ძველი ტექსტის ხელნაწერი XVII საუკუნისა ყოფილა, თუმცა ზოგიერთ, კიდევ უფრო ძველ ხელნაწერებზე შემორჩენილია "ვეფხისტყაოსნის" ნაწყვეტები.
25.12.2008
კუზიანი მონაზონი, რომელსაც ანგელოზის სული ჰქონდა
ვიცი, დიდ სამებაში აუცილებლად იქნები ნამყოფი, მაგრამ თბილისში კიდევ არის წმინდა სამების სახელობის ტაძრები. მათგან ერთ-ერთი ეროვნული ბიბლიოთეკის სიახლოვესაა...
25.12.2008
მსოფლიოს უდიდესი მუზეუმები
ჩემო ცნობისმოყვარე მკითხველო, "მუზეუმი" მომდინარეობს ბერძნული სიტყვიდან "მუზეიონ". ძველ საბერძნეთში ეს სიტყვა აღნიშნავდა ადგილს, რომელსაც ხელოვნების მფარველი ქალღმერთები იცავდნენ.
25.12.2008
ჭია, ჭია-მაია
სისხლის ცრემლები
ჩემო პატარა მეგობარო, ცხოველების უმრავლესობა გარემო პირობებს ადვილად ეგუება - ზოგი ნაირგვარადაა შეფერილი, გარემოს ეხამება და ამის წყალობით საიმედოდაა დაცული მტრის თავდასხმისგან;
25.12.2008
"თეკლეს ახალწელიწადი"
საშინლად ჰყინავს, საშინლად. დედამიწას სულ რაკარუკი გაუდის. მოკრიალებული ცა ვარსკვლავებით არის მოჭედილი, მხოლოდ ჭირხლმოკიდებული მთვარე პირბადეჩამოფარებული პატარძალივით ინაზება და მკრთალ ნათელსა ჰყრის ქვეყანაზე.
25.12.2008
საქართველოს გაძლიერებას, მის მისწრაფებას დაებრუნებინა ბიზანტიის მიერ მიტაცებული ქართველური ტომებით - ლაზებით დასახლებული შავი ზღვის სამხრეთ სანაპირო, რუმის (დღევანდელი თურქეთის ტერიტორიაზე არსებული თურქულ-სელჩუკური სახელმწიფო) სულთან რუქნადინის შეშფოთებას იწვევდა.
27.11.2008
წმინდა მამები საქართველოსკენ დაიძრნენ
VI საუკუნეში საქართველოს მეფეს და კათოლიკოსს ანგელოზები გამოეცხადნენ, რომელთაც აუწყეს, რომ ღვთისმშობლის ნებითა და კურთხევით საქართველოში ჩამოვიდნენ აღმოსავლეთის უდაბნოებში გაბრწყინებული წმინდა მამები
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
ჟურნალი
ჟურნალის ბოლო ნომრები: