თუ ქრისტეს სიყვარულით აღიღებ ჯვარს, ის მსუბუქი იქნება
თუ ქრისტეს სიყვარულით აღიღებ ჯვარს, ის მსუბუქი იქნება
წავლანი. მოშურნეობა. ერთი საათიც არ დატოვოთ საკუთარი თავი უკონტროლოდ. ყოველ საათს დააკვირდი, გამოსცადე, აკონტროლე საკუთარი თავი, იმ დროს ყველაფერი თუ გაქვს წესრიგში.

* მე ხშირად ვეკითხებოდი მამა იოსებს, როგორ მიაღწიეთ ამ მდგომარეობას-მეთქი. ძალზე ჩავუღრმავდი, შევიცანი საკუთარი თავი, - მიპასუხა, - შენ ვინ ხარ? არავინ. მღილზეც კი უარესი. მოვიდა მადლი, წამოგაყენა და ანგელოზი გახდი. წავიდა მადლი და შენ ისევ ის ხარ, რაც იყავიო.

- დიახ, მაგრამ როგორ შევძლებთ ამ მადლის მოპოვებას?

* თქვენზეა დამოკიდებული, გონება რომ საღი და მშვიდი გქონდეთ. საცთურების შემოტევა კი არ არის დამნაშავე, არც შენი ძმის მოქმედება. შენ თვითონ ცხონდები და თვითონვე შეიძლება საკუთარი თავი დაიღუპო. როცა საკუთარი ცხონება გსურს და აიძულებ საკუთარ თავს - ლოცვით ყველაფერი მოდის.

* თავდაპირველად, როცა მონასტერში მოვდივართ, ათონის მთის სიმაღლე მოშურნეობა გვაქვს, შეინარჩუნეთ მოშურნეობა, რათა არ შემცირდეს, არ ჩაქრეს, თორემ საქმე ცუდად იქნება. შეგიძლია, ეს მოშურნეობა გაზარდო, გააძლიერო - მაშინ შექების ღირსი ხარ. მე ვგულისხმობ მოშურნეობას მორჩილებაში, ლოცვაში, თავის განკითხვაში, ყურადღებას ტაძარში ლოცვისას, ყურადღებას კელიაში, საკუთარი თავის კონტროლს. თუ ის ჩაქრება, ესე იგი ყველაფერი წესრიგში არ გაქვს. იჩქარე გამოასწორო, რომ არ გაცივდეს ეს მოშურნეობა. ნეტარია ის ძმა, რომელიც ღვაწლისადმი მოშურნეობას მთელი სიცოცხლე შემოინახავს, იმიტომ რომ არ იცი, რამდენი წელი იცხოვრებ მონასტერში.

გონების მოკრება. ერთ მონასტერში მღვდელი აკმევდა. როცა წინამძღვართან მივიდა, არ უკმია. მოგვიანებით წინამძღვარმა ჰკითხა, - მამაო, რატომ არ მიკმიეთო.

- მაპატიე, მამაო, სტასიდიაზე მჯდარი ვერ დაგინახე.

- მაგრამ მე სტასიდიაზე ვიყავი, მამაო.

- არა, მამაო, არ დამინახიხარ.

სხვებმა, რომელთაც ესმოდათ კამათი, წინამძღვარს უპასუხეს: "მამაო, მღვდელი დაფარულთმცოდნელია, იცის, რასაც ამბობს".

მან იფიქრა, იფიქრა და თქვა:

- არადა, მართალია მღვდელი, მე ხომ აქ კი არა, მეტოქიონში ვიყავი ფიქრებითო.

მიხვდით?

* წმინდა ნექტარიოს ეგინელმა მასთან მისულ მონაზვნობის მოსურნე მხევალს უთხრა: "აჰა შენ ათი ცხვარი და მწყემსე".

- მაკურთხეთ.

გავიდა ორი დღე. "მამაო, - ეუბნება ქალი წმინდა ნექტარიოსს, - გულისთქმები მაწუხებს, რომ მე აქ მონაზვნობისთვის მოვედი და არა მწყემსობისთვის".

- ჩემო ძვირფასო, როცა ტაძარში ვაკმევდი, შენ სტასიდიაზე დაგინახე.

მონაზონი (მორჩილი) ცხვარს მწყემსავდა და გონებით ტაძარში ლოცულობდა, ამიტომაც დაინახა წმინდანმა ის სტასიდიაზე.

* ვგონებ, ჩემი მოძღვრის დაკრძალვისას ერთი მონაზონი ჩამოვიდა კერასიიდან და თქვა: - აქ ჩამოსვლამდე სამჯერ წავიკითხე ღვთისმშობლის აკათისტოო. ხედავთ, როგორ მოღვაწეობენ მამები?

წმინდანობა, სათნოებები, ღვაწლი. კაცი, რომელიც განიკითხავს საკუთარ თავს და მოყვასს ეფერება, წმინდანობას მიაღწევს. თუ შენ სხვისგან, შენი შემაწუხებლისაგან, პატიების თხოვნას ელი, ესე იგი, არ მიდიხარ მონაზვნური გზით.

ამბა ნისტერიონს წმინდანის სახელი ჰქონდა გავარდნილი. ვიღაცამ ჰკითხა: "რომელ სათნოებაში იღვწი, მამაო, რომ ასეთ სიმაღლეს მიაღწიე?" - "მონასტერში მოსვლისთანავე საკუთარ თავს ვუთხარი, მე და ვირი ერთნაირები ვართ. რამდენსაც ამბობს ვირი, როცა მას ერეკებიან, იმდენს ვიტყვი მეც". ხედავთ, რა დაუდო მან საფუძვლად. იგი, როგორც არ უნდა დაემცირებინათ, მხოლოდ "შემინდეთ, მაკურთხეთო", - იძახდა. ჩვენ კი სიტყვის დათმენაც კი არ შეგვიძლია.

* ის, რაც ეშმაკისგან არის, ბადებს ერთგვარ სიცივეს, მერყეობას, ეჭვს, სიცარიელეს. ვერ გადამიწყვეტია რაიმე საქმის გვაკეთება. ასე რომ, თუ გრძნობ შინაგან მერყეობას, ის ეშმაკისგანაა.

* თუ კაცს ცხონება უნდა, მუდმივად უნდა იღვწოდეს. მისი პირველი ამოცანაა, სძლიოს საკუთარ თავს. თვითონვე კაცი, თავისი საკუთარი მზაკვრობით - მტერია საკუთარი თავისა, რადგან არ უსმენს სხვას და მხოლოდ საკუთარ გულისთქმებს უჯერებს. ეს მაშინ, როცა ჩვენ ამდენი წმინდა მამა გვყავს, შეგვიძლია წავიკითხოთ მათი ნაშრომები და მივბაძოთ მათ. მაგრამ ჩვენზე ხშირად საკუთარი "მე" ბატონობს. როცა კაცი სძლევს საკუთარ თავს - ის უდიდესი დიდმოწამე და ძლევამოსილია ღვთის წინაშე.

* ჯვარი ყოველთვის ჩვენს გვერდითაა, იმიტომ რომ თავი ჩვენი (ქრისტე) ჯვარზე ავიდა - და ჩვენც ავალთ. ერთი მხრივ, ჯვარი ტკბილია და მსუბუქი, მეორე მხრივ კი მწარეა და მძიმე. ესეც ჩვენზეა დამოკიდებული. თუ ქრისტეს სიყვარულით აღიღებ ჯვარს, ის მსუბუქი იქნება, ვითარცა ღრუბელი, თუ არადა, მძიმე და ვერსატვირთავი.

* მე ეს გამოცდილებამ მასწავლა. დაე, იყოს ნება ღვთისა! ამაში პოვებ შვებას. ხოლო თუ დაიწყებ განსჯას, არა, მშვიდობას ვერ ნახავ...

* შიგნით სიხარული გიდუღს - ნუ აჩვენებ. შიგნით ჯოჯოხეთი თუხთუხებს, კაეშანი მოგერია - ნუ გამოაჩენ. აი, ეს არის მონაზონი...

* წმინდა წერილი არსად თავის მართლებას არ გვასწავლის. წმინდანები არათუ თავს არ იმართლებენ, არამედ ნებაყოფლობით იტანჯებიან სხვებისთვის.

* არა, მამაო, ასე არა. შენ საკუთარი თავი გამოასწორე და სხვების გამოსწორებას ნუ ელი. ყველაზე უქვემოესი იყავი, რათა ყველა გთელავდეს, მაშინ იქნები წესრიგში. თუ არადა...

მოთმინებით შეიჭურვე. ეს არის გოლგოთის გზა.

* კაცი როგორი ბრძენიც არ უნდა იყოს, სხვას მაინც უნდა ჰკითხოს მცირე რჩევა. ჩვენ ხომ უშუალოდ ღვთისგან არ ვართ განსწავლულნი. ანდა იქნებ შეგიძლია ღვთისაგან უწყება მიიღო? ჩვენ ასეთ სულიერ მდგომარეობაში არ ვართ. ესე იგი, რჩევა სხვასაც ვკითხოთ, მოვეთათბიროთ, განა შენზე უკეთესი არ არსებობს!

ლოცვა. სკვნილი - აი ეს არის სასწაულთმოქმედი.

* საუკეთესო ლოცვა ისაა, რომელიც შენში იშვა. გინდა, რომ ზიარების წინა ლოცვები წაკითხო და ეზიარო? არ არის საკმარისი. "შეგინებულთაგან ბაგეთა, საძაგელისაგან გულისა" - ვკითხულობთ, მაგრამ არაფერი გვესმის, რასაც ვამბობთ. შენ თვითონ იპოვე ლოცვა, მაშინ მიხვდები, ღვთისათვის რისი თქმა გსურს. ამაში უდიდესი ძალა იმალება, უდიდესი!

* ლოცვა - სარკეა მონაზვნისა.

* წმინდა იოანე ოქროპირი ამბობს: "კაცს, რომელსაც ეკლესიაში სიარულის საშუალება არა აქვს, შეუძლია ლოცვის მიერ საკუთარი თავი აქციოს საკურთხევლად.

ერში მყოფ ადამიანებს, მაგალითად, მეცნიერებს, შაბათ-კვირასაც არ შეუძლიათ ეკლესიაში წასვლა, რადგან ამ დროს რაღაც საქმეს აკეთებენ. მაგრამ შენ შეგიძლია იესოს ლოცვის წართქმით ამ დროს საკუთარი თავი აქციო საკურთხევლად.

* საკუთარ მოძღვარს ვუთხარი: - მამაო, თუ იესოს ლოცვას წავიკითხავ, ჯოჯოხეთში წასვლისაც არ მეშინია-მეთქი. იმდენი სიტკბოება, იმდენი სიხარული ძევს ამ პატარა ლოცვაში. პატარაა ეს ლოცვა, მაგრამ რამხელა ძალა აქვს. როცა მას წართქვამ, ჯოჯოხეთისაც კი არ გეშინია. მას ჯოჯოხეთშიც კი წავიკითხავ. დაგვიჯერეთ, რადგან ჩვენ ყოველივე ეს გამოვიარეთ და თქვენ გადმოგეცით.

* ჩვენ მაშინ წმინდა პავლეს მონასტრისთვის ტანსაცმელს ვკერავდით. ახალბედა ვიყავი და ჯერ არ ვიცნობდი მამა იოსებს. შინიდან გამოსვლისას სკვნილი ავიღე და წმინდა პავლეს მონასტრისკენ გავემართე. კატუნაკიდან წმინდა პავლემდე ორსაათნახევრის სავალია. გავიარე წმინდა ანას მცირე სკიტი, დავეშვი ახალი სკიტისკენ. როცა ხარების კალივის ზემოთ, წისქვილთან გავიარე, უეცრად გონს მოვედი: "ეს რა არის, აქ როგორ აღმოვჩნდი?!" - გავიფიქრე. ისე თავდავიწყებით მივეცი ლოცვას, რომ ვერც კი შევამჩნიე, სად ვიყავი.

* კელიაში ხელსაქმისას ანდა სამორჩილო სამუშაოების აღსრულებისას ნუ დაუტევებ იესოს ლოცვას, რადგან იგი განგწმენდს. პირველი, რასაც მამები გრძნობენ - სიხარულია! ეს სიხარული სხვა არაფერია, თუ არა კენჭი, სანაპიროზე დაგდებული. ეს იმას ნიშნავს, რომ შიგნიდან იწყება განწმენდა. ამიტომაც იმეორე იესოს ლოცვა და ნუ დაუტევებ მას. ეს მიგიყვანს იმ უფრო დიდ სულიერ მდგომარეობამდე, რომელზე ფიქრიც კი არ შეგიძლია.

სკოლის მოწაფეს გიმნაზიის საგნების გაგება არ შეუძლია, გიმნაზისტს - უნივერსიტეტისა. მაგრამ როცა მადლი შეგეხება, მაშინ მიხვდები, რომ შენ ახლა გიმნაზიის მოწაფე ხარ, ანდა უნივერსიტეტის სტუდენტი. შენ თვითონ მიხვალ აქამდე.

* ერთი მონაზონი ტუალეტში ყოფნისას ლოცვას კითხულობდა. მაშინვე გამოეცხადა დემონი: - ბინძურ ლოცვას კითხულობო. მონაზონმა კი უპასუხა: "მისმინე, ღვთის დიდებულებისაგან განდგომილო: სხეულიდან განმავალი ქვემოთ მიდის, ხოლო ის, რაც სულიდან გამოდის, ზევითკენ ისწრაფვის, ერთმანეთს ვერსად გადაკვეთავენ და ვერ შეერთდებიან".

* ზოგჯერ უფალი გამოგცდის, რათა გაგაღვიძოს ძილისაგან, გიგზავნის რაიმე განსაცდელს. უფალს შენი გაღვიძება უნდა: "ნუ გძინავს, ნუ გძინავს, ილოცე".

* დიდი ხნის წინ, ბრწყინვალე შვიდეულში, მამა იოსები მთაწმინდიდან იღუმენია ევპრაქსიას მოსანახულებლად გაემგზავრა. იღუმენიასა და დედებს უთხრა: - ერთი კარგი მოძღვარი ვიპოვეო (ჩემზე თქვა). მოეთათბირა მათ და სკუფია შემიკერეს. როცა მამა იოსები დაბრუნდა, დამმარილებელთან შეჩერდა. ყველანი დაბლა ჩავედით მასთან. მოძღვარი მეუბნება: "ეფრემ, აიღე ეს სკუფია". სკუფია დავიხურე და მაშინვე ლოცვითა და საღმრთო სიყვარულით ავენთე. "ეს რა სკუფიაა, მამაო?" - ვკითხე. "რომ იცოდე, რამდენი ილოცა იღუმენია ევპრაქსიამ ამ სკუფიისათვის", - მითხრა მან.

* იღუმენია ევპრაქსიამ მამა იოსებს ორმოცდაათმარცვლიანი სკვნილი გამოუგზავნა. მამაო, მაჩუქე ეს სკვნილი-მეთქი, - ვთხოვე, - აიღეო. სკვნილი ყოვლადწმინდა ღვთისმშობლის ხატზე ჩამოვკიდე (მანამდე მან ეს ხატი და პარამანი მაჩუქა). როცა სკვნილი იწყებდა კეთილსურნელებას, ვიცოდი, რომ საღამოს ლოცვა მექნებოდა. ხოლო როცა სკვნილი კეთილსურნელებას არ გამოსცემდა, მაშინ ლოცვა არ მქონდა. დიდი ხნის წინ იყო ეს.
ბეჭდვაელფოსტა
კომენტარი არ გაკეთებულა
სხვა სიახლეები
30.08.2022
წმინდა თეოდორიტე 13 წლისა მივიდა სოლოვეცის მონასტერში და წმინდა ზოსიმეს მოწაფეს, ასევე ზოსიმეს დაემოწაფა.
02.08.2022
ქრისტეს მამაცი მხედარი ვიქტორი დაიბადა III საუკუნეში ცნობილ და დიდგვაროვან ოჯახში, ქალაქ მარსელში. ის გახდა მეომარი და ერთგულად ემსახურებოდა იმპერატორს.
24.07.2022
წმინდა მოწამენი ცეცხლში დაწვეს ქრისტეს გულისთვის. სხვადასხვა სვინაქსარში მათი ხსენება 9, 12 და 13 ივლისსაა დაწესებული.
24.07.2022
1654-1655 წლებში ჭირის მძვინვარებისას, ღვთისმშობლის შეწევნის იმედით ქალაქ შუიში აღდგომის ტაძრის მრევლმა ერთ-ერთ მონაზონს სმოლენსკის ღვთისმშობლის ხატის დახატვა დაავალა.
18.06.2022
ეს საკვირველი მოსაგრე VIII-IX საუკუნეთა მიჯნაზე ცხოვრობდა და წარმომავლობით კაპადოკიიდან იყო.
17.06.2022
ქვაშუეთის წმინდა გიორგის ტაძარი

-გადმოცემის მიხედვით, ხუთშაბათობით მამა დავითი ხშირად ჩადიოდა იმ ადგილას,
28.05.2022
ბრეთი ძველი და ცნობილი სოფელია შიდა ქართლში. ბრეთში მოღვაწეობდა ერთ-ერთი ცამეტი ასურელი მამათაგანი-პიროს ბრეთელი.
18.04.2022

წმინდა თეონა, სავარაუდოდ IV-V საუკუნეებში ცხოვრობდა და თებეში ოცდაათ წელზე მეტი ხნის მანძილზე მდუმარედ იღვწოდა.
31.03.2022

გვესაუბრება შემოქმედის ეპარქიაში მდებარე სოფელ შრომის წმინდა ანდრია პირველწოდებულისა და სოფელ ჩიბათის წმინდა სვიმონ კანანელის

მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
ჟურნალი
ჟურნალის ბოლო ნომრები:
მოციქულთა სწორი წმინდა კონსტანტინე დიდი (306-337) პირველი იყო რომის იმპერატორთაგან, რომელმაც შეწყვიტა ქრისტიანთა დევნა და ქრისტიანობა სახელმწიფო რელიგიად გამოაცხადა.

istanbul evden eve nakliyat fabrika taşımacılığı eşya depolama ofis taşıma bostancı nakliyat skdar nakliyat ehirler aras nakliyat ehirler aras nakliyat cretleri ehirler aras nakliyat transfernakliyat.com.tr eya depolama sex shop

restbet restbet tv restbet giriş restbet restbet güncel restbet giriş restbet restbet giriş restizle betpas betpas giriş pasizle betpas betpas giriş pasizle iskambil oyunları rulet nasıl oynanır blackjack nasıl oynanır guvencehd.org heceder.org trke casino 30 tl deneme bonusu tahincioglunakliyat.com.tr aviator oyunu betexper Deneme bonusu veren siteler heceder.org pdf indir casino siteleri casino siteleri deneme bonusu veren siteler deneme bonusu slot siteleri pdf indir ingilizce trke eviri lyrics translate video