* "კაცთაგან ნუ ეძებ სიმართლეს, - გვასწავლის გლინელი მამა სერაფიმე (რომანცევი), - ნუ მოსთხოვ მათ ამას, არამედ საკუთარ თავში იპოვე და საქმით აჩვენე".

* ერთი ბერი უდაბნოდან ქალაქში ჩავიდა თავისი ნახელსაქმარის გასაყიდად და ბოროტი ველმოჟის დაკრძალვას შეესწრო. განცვიფრდა - კუბოს უკან დიდი პატივით მიაცილებდნენ საეკლესიო და საერო პირნი. მის გაოცებას საზღვარი არ ჰქონდა, როცა უკან დაბრუნებულს თავისი წმინდა და ღვთისმოსავი მოძღვარი აფთრისგან დაგლეჯილი დახვდა. "უფალო, - შესძახა დაობლებულმა ბერმა, - ბოროტი ველმოჟა ამგვარი დიდებული სიკვდილის ღირსი რატომ შეიქნა მაშინ, როცა ეს წმინდა კაცი მხეცებმა დაფლითეს?" მტირალს უფლის ანგელოზი გამოეცხადა და უთხრა: "ნუ ტირი შენი მოძღვრის გამო, ბოროტ ველმოჟას ერთი კეთილი საქმე ჰქონდა და მის გამო ღირსი შეიქნა ამგვარი დიდებული დაკრძლავისა, მაგრამ მისი ჯილდო მხოლოდ აქ რჩება, მიწაზე, იმ ქვეყანაზე კი სასჯელი მოელის ყოველი ჩადენილი ბოროტი საქმის გამო. შენი მოძღვარი, პირიქით, თავისი ცხოვრებით სათნოეყო უფალს, მაგრამ ერთი პატარა მანკიერება ჰქონდა, რომლისგანაც ნაძალადევი სიკვდილით განიკურნა".