* კათოლიკეების სწავლება სულიწმინდის ძისაგან გამოსვლაზე ფლორენციის კრებაზე დაამტკიცეს. მართლმადიდებლობიდან განდგომილ მღვდლებს შეუერთდა მიტროპოლიტი ისიდორე. მის გვერდით ერთი დეკანოზი იყო, სახელად სიმონი, რომელმაც არ უღალატა მართლმადიდებლობას, რისთვისაც ბორკილები დაადეს და ციხეში ჩასვეს. როცა ციხიდან გამოვიდა და შინ ბრუნდებოდა, გამოეცხადა ერთი კეთილკრძალული მამა და ჰკითხა, - იკურთხე თუ არა მოციქულთა ნაკვალევზე მავალ ეფესოს ეპისკოპოს მარკოზისგანო. სიმონმა მიუგო, - ხელმწიფეო ჩემო, ვნახე ის საკვირველი და მტკიცე კაცი და კურთხევაც ავიღეო. "კურთხეულ არს კაცი იგი, - თქვა ღირსმა მამამ, - მას ვერავინ სძლევს ლათინთა კრებულთაგან, ვერც ალერსით, ვერც ტანჯვით, ვერც მუქარით. სწავლანი და დამოძღვრანი, რაც ნეტარი მარკოზისგან მოგისმენია, უქადაგე ყველა მართლმადიდებელს, რომლებიც იცავენ წმინდა მოციქულთა გარდამოცემებს და შვიდი საეკლესიო კრების დადგენილებებს". დეკანოზმა ჰკითხა, - ვინ ხარ, ვფიქრობ, ღვთისგან გამოგზავნილი უნდა იყოო. მე ვარ სერგი, რომელსაც შენ ლოცვაში მოუწოდებო, - მიუგო წმინდა სერგი რადონეჟელმა და უჩინო შეიქნა.

* პატერიკი მოგვითხრობს: "თქვა ბერმან: უბნობაი სამებისა წმიდისათვის და სარწმუნოებისათვის განახმობენ ცრემლთა და განაქარვებენ სინანულსა გულისაგან, ხოლო სიტყვანი და ცხოვრებანი ბერთანი განანათლებენ გონებასა და მოიყვანებენ სინანულად".