ერთხელ წმინდა გრიგოლთან მივიდა ქალი რომელსაც ხელთ ჰყავდა თავისი პატარა ძე, დაახლოებით ორი წლისა, ბავშვს ხელ-ფეხი ეშმაკისგან ჰქონდა წართმეული და პირი მოღრეცოდა. ქალი ტიროდა, ძე დაუგდო წმინდანს ფერხთით და უთხრა: "ღვთის წმინდანო, წყალობა უყავი ამას, ადამიანთაგან განწირულს, რადგან ღვთის შემდეგ შენსკენ მოვილტვი". როდესაც დაინახა წმინდანმა მისი მეტისმეტი გოდება, შეებრალა და ატირდა. მაშინ წმინდა გრიგოლმა თქვა: "ქრისტეს სახელი გაძევებს, ეშმაკო, გაშორდი ამ უმანკო ჩვილს უკუნისამდე". გადასწერა ჯვარი და მყისვე გარბოდა ბოროტი სული და მთლიანად განიკურნა ის ბავშვი, მისი მშობელი კი სიხარულით ჰმადლობდა ღმერთს და წმინდასა გრიგოლს.