ერთხელ ალექსანდრე მაკედონელს შეატყობინეს, მავანი ჯარისკაცი დისციპლინას არღვევს, ყველგან უწესრიგობა შეაქვს და ძალზე ცუდად იქცევაო. მომიყვანეთო, - ბრძანა მეფემ. მიუყვანეს. ალექსანდრემ ჰკითხა, - რა გქვიაო. ალექსანდრეო, - მიუგო კაცმა. ეს რომ მეფემ გაიგონა, განრისხებულმა დაუყვირა: - ან იცხოვრე ისე, როგორც შეეფერება მაგ სახელს, ან შეიცვალეო. "თითოეულ ჩვენგანს ხომ ქრისტიანი გვეწოდება, მაგრამ განა ყველა ვცხოვრობთ ამ სახელის შესაფერად?" - გვეკითხება წმინდა ნიკოლოზ სერბი.