რუსეთის მართლმადიდებელი ეკლესია მოიხსენიებს წმინდა ნექტარიოსს. იგი 1586 წელს დაიბადა ტვერში, გლეხის ოჯახში, 13 წლისა მივიდა წმინდა ნილოსის მონასტერში, იქვე აღიკვეცა ბერად, შემდგომში ამავე სავანის იღუმენადაც აირჩიეს. მან კარგად იცოდა ბერძნული და ლათინური ენები. 1636 წელს პატრიარქმა იოსებმა მას ეპისკოპოსად ხელნი დაასხა და ციმბირში, ტობოლსკის ეპარქიის მმართველად გაუშვა. წმინდანის მისვლით ტობოლსკის სულიერი ცხოვრება ძალზე შეიცვალა, რადგან თვითონ მღვდელმთავარი იძლეოდა თავმდაბლობის მაგალითს, უყვარდა ლოცვა და სამეცნიერო სამუშაოები, მან ქრონიკების წერა შემოიღო და ხალხში გავრცელებულ წარმართულ ჩვევებს ებრძოდა, სამი წლის შემდეგ, სამღვდელმთავრო მსახურებისთვის თავის დანებება გადაწყვიტა, დაბრუნდა თავის მონასტერში, და უბრალო ბერივით მოსაგრეობდა. 1647 წელს ისევ საკუთარი ნების წინააღმდეგ იღუმენად აირჩიეს. წმინდა ნექტარიოსი 1667 წლის ორ დეკემბერს გარდაიცვალა.
.........................

ხატის წყარო