წმინდა სვიმეონი ტობოლსკელი დიდვაჭრის ოჯახში დაიბადა, ყრმობიდანვე სწყუროდა ბერობა, ამიტომ როსტოვის წმინდა ბორისისა და გლების სახელობის მონასტერში წავიდა.

გამორჩეულად ღვთისმოყვარე და კეთილად მოღვაწე 1672 წელს ნიჟეგოროდის მღვიმევის მონასტრის წინამძღვრად დაადგინეს, ორი წლის შემდგომ კი მოსკოვს, სპასო – ანდრონიკოვსკის მონასტრის წინამძღვრად გადაიყვანეს.

თავისი ღვაწლით და წმინდა ცხოვრებით მეფე ალექსი მიხეილის ძის კეთილგანწყობა მოიპოვა და 1676 წელს სმოლენსკის მიტროპოლიტად იკურთხა.
ხსენებული ეპარქია პოლონელთაგან ახალი გათავისუფლებული იყო და მეუფე მრავალ პრობლემას წააწყდა, უპირველესად - სულიერს, ამიტომ მთელი ძალისხმევა მოახმარა იქაურობის სულიერ აღორძინებას.

1681 წელს რუსეთის იმჟამინდელმა პატრიარქმა ნიკონმა სვიმეონი მიტროპოლიტის ხარისხით შემოსა, თუმცა, მომდევნო პატრიარქმა იოაკიმმა, რომელსაც ნეტარის დიდი გავლენა აღიზიანებდა, იგი გადაასახლა.

Oორი წლის შემდგომ ნეტარი ეპარქიას დაუბრუნდა და უწინდებური სიყვარულით განაგრძო ტვირთვა სამღვდელმთავრო ჯვრისა, 1699 წელს კი მიიცვალა.
.............
ხატის წყარო @1482@