როცა სასახლე გაიხსნა, წმინდა სპირიდონის ფეხებში ზღვის მცენარეები იყო
როცა სასახლე გაიხსნა, წმინდა სპირიდონის ფეხებში ზღვის მცენარეები იყო
ყველა მართლმადიდებელი მორწმუნის სურვილია მოილოცოს კორფუში, ქალაქ კერკირაში მდებარე წმინდა სპირიდონ ტრიმიფუნტელის სახელობის ტაძარი, სადაც წმინდა სპირიდონ ტრიმიფუნტელის სხეულია დაბრძანებული.  ჩვენი გულითადი მეგობარი, სალომე ვაშალომიძემ სხვა მრავალი წმინდა ადგილების თუ სიწმინდეების მოლოცვასთან ერთად წმინდა სპირიდონის წმინდა უხრწნელი სხეულის თვითმხილველიც გახლდათ.

-საქართველოდან მომლოცველები  წმინდა სპირიდონ ტრიმიფუნტელის სახელობის ტაძარში  წირვას დავესწარით. დასრულების შემდეგ ტრადიციულად გასაღებით აღებენ წმინდანის სასახლეს,-მიამბობს სალომე.  მომლოცველებს გვამცნეს, როდესაც მღვდელთმთავარი სპირიდონი ადამიანთა დასახმარებლადაა წასული, სასახლე მაგ დროს არ იხსენება, რადგანაც ხორციელად მისი სხეული შიგ არ იმყოფებაო... ყველანი სულმოუთქმენლად ველოდით სასახლის გახსნას. როცა გასაღები გადატრიალდა ერთხმად ამოვისუნთქედ. წმინდანი შიგ დაგვხვდა, მოგეხსენებათ წმინდა სპირიდონს, ყოველწლიურად უცვლიან ფაჩუჩებს, რადგანაც ის  ხალხის დასახმარებლად დადის და ფჩუჩები ცვდება.  მივეახლეთ მის წმინდა ნაწილებს...


მოგეხსენებათ, მღვდლებს გარდაცვალების შემდეგ სახეზე დაფარნას ადებენ, იმის ნიშნად, რომ აღსარების საიდუმლოს ინახავს. თუცა, წმინდა სპირიდონს სახეზე არაფერი აფარია და მისი სახე ნათლად ჩანს. მართალია, სახე მტვრისგან გამუქებულია,  მაგრამ ამბობენ, ვერავინ ბედავს წმინდანის სახეზე კადნიერად შეხებასო. წმინდანის სხეული არა მხოლოდ უხრწნელია, არამედ ინარჩუნებს ცოცხალი ადამინის სხეულის ტემპერატურას, 36,6 გრადუს ტემპერატურას.


მოლოცვის დროს  წმინდა სპირიდონის კიდევ ერთი სასწაულის შესახებ გავიგეთ: "ერთხელ, დილის წირვის შემდეგ ბერები ჩვეულებისამებრ ცდილობდნენ წმინდანის სასახლის გახსნას, მაგრამ ვერაფრით  გახსნეს, ამ დროს ტაძარში შემოვარდა შეშინებული მამაკაცი, რომელიც მეზღვაური გახლდათ.  ახალი  დაბრუნებული იყო გემიდან და სახლში მიუსვლელად მოვიდა წმინდა სპირიდონთან და  მამაკაცის ტაძარში შემოსვლა და სასახლის გახსნა ერთი იყო. მეზღვაურის თქმით,  გემი ზღვაში იძირებოდა და დახმარება წმინდა სპირიდონს შესთხოვეს. მართლაც, წმინდანი გემზე ხილულად გამოცხადებიათ    და სასწაულებრივად  უხსნია  ხალხი საზარელი სიკვდილისაგან. მეზღვაური მოსულიყო წმინდა სპირიდონის საფლავთან მადლიერებისთვის. მართლაც, როცა სასახლე გაიხსნა წმინდა სპირიდონის ფეხებში ზღვის მცენარეები იყო ."
KARIBCHE


თავდაპირველად წმინდანის სხეული დაბრძანებული იყო ქალაქ ტრიმიფუნტში,  სადაც  დაიბადა. VII საუკუნეში გადააბრძანეს კონსტანტინეპოლში, 4453 წელს კუნძული იმყოფებოდა ვენეციელების ბატონობის ქვეშ.


წმინდა სპირიდონმა მთელი თავისი ცხოვრება მიუძღვნა გაჭირვებულთა დახმარებას. უანგაროდ გასცემდა მოწყალებას. მისი მოწყალე და მოსიყვარულე გულის გამო ის დააჯილდოვა უფალმა და გარდაცვალების შემდეგაც ყველას ეხმარება,- ზოგს სამსახურის შოვნაში, საცხოვრებლის შეძენაში, მატერიალური სიდუხჭირის ჟამს, სულიერი და ხორციელი სნეულებებისაგან.


ადგილობრივი მოსახლეობა ყვებოდა, რომ წმინდანის სხეულთან ყოველ დილას მიდიან. ჯერ წმინდანისგან მიიღებენ დალოცვას და შემდეგ მიდიან სკოლაში, სამსახურში თუ ნებისმიერ საქმეზე და ის დღე მათთვის მართლაც დალოცვილი და ნაყოფიერია.
წმინდა სპირიდონს მრავალი სასწაული აქვს მოხდენილი, ის დღესაც ეხმარება გულმხურვალეთ მლოცველს და  განსაკუთრებით შეეწევა. წირვის დასრულების შემდეგ დაგვირიგეს წმინდა სპირიდონის ფაჩუჩის (ფილახტო) ნაწილი. ჩვენს სიხარულს საზღვარი არ ჰქონდა.



ბეჭდვა