ღირს ტარასის, კონსტანტინოპოლის მთავარეპისკოპოსს, აღსასრულის ჟამს ეშმაკები მიეახლნენ. ახსენებდნენ მთელ ცხოვრებას, სიყრმიდან მოყოლებული, და ცდილობდნენ ისეთი ცოდვებიც მიეწერათ მისთვის, რომლებიც არასდროს ჩაედინა.
"ცილს მწამებთ, თქვენ არავითარი ძალაუფლება არ გაქვთ ჩემზე!" - შერისხა ბოროტი სულები ღირსმა მამამ და მშვიდად შეჰვედრა სული უფალს. სამწყსო მხურვალედ დასტიროდა საყვარელ მღვდელმთავარს. მის საფლავთან მრავალი კურნება აღესრულა.
