ღირსი პარდოს განდეგილი რომში დაიბადა. სიჭაბუკეში მეურმე, მოქირავნე იყო. ერთხელ, როცა ნეტარი იერიქონისკენ მიემგზავრებოდა, მის აქლემებს ფეხებში პატარა ბავშვი შეუვარდა და გათელეს. ამ ამბით თავზარდაცემული პარდოსი ბერად აღიკვეცა და არიონის მთაზე განმარტოვდა. იგი თვლიდა, რომ უნდა დასჯილიყო როგორც მკვლელი და სიკვდილს ეძიებდა. იქვე, ახლოს, მღვიმეში ლომი ბინადრობდა, პარდოსი ლომის ბუნაგში მივიდა და მხეცს ჰოროლით ჩხვლეტდა, მაგრამ მხეცი მას არ ეხებოდა. მაშინ პარდოსმა სამოსელი გაიძრო და შიშველი იმ ბილიკზე გაწვა, რომლითაც ლომი წყლის დასალევად მიდიოდა ხოლმე. მაგრამ ლომი გადაახტა განდეგილს. მაშინ მიხვდა ბერდიდი, რომ ღმერთმა შეუნდო. დაბრუნდა თავის მთაზე და მარხვასა და ლოცვაში გალია დარჩენილი სიცოცხლე.
ხატის წყარო