წმინდა დანიელი დაიბადა მოსკოვის შორიახლოს დაახლოებით 1498 წელს. ბერად აღიკვეცა და მოღვაწეობდა მონასტერში, სადაც იღუმენი იყო წმინდა კორნელი კომელსკი. მოგვიანებით განდეგილად განაგრძო ცხოვრება თეთრ ტბასთან. აქ მან იპოვა მიტოვებული ადგილი მთის ძირში, შუჟგორი, სადაც ღირსი ბერი დიდხანს ცხოვრობდა სრულ მარტოობასა და მდუმარებაში, თუმცა გარკვეული დროის შემდეგ მასთან იწყეს დასახლება სხვა ბერებმაც. ნე-ტარმა დანიელმა უფალი ჩვენი იესო ქრისტეს ფერისცვალების სახელობის მონასტერი დააარსა. ღირსმა ბერმა ღრმა მოხუცებულობაში შეჰვედრა სული უფალს და დაკრძალეს მისსავე მონასტერში.