წმინდა მაქსიმინე ქალაქ ტრირის (გერმანია) ეპისკოპოსი იყო 332 წლიდან და სასწაულქმედებით სახელი გაითქვა. ითვლება, რომ ის საფრანგეთში შილეში დაიბადა და ეპისკოპოსი გახდა წმინდა აგრიცის შემდეგ. 336 წელს მან შეიფარა გადასახლებაში მყოფი ათანასე დიდი. წმინდა პავლე I აღმსარებელსაც მფარველობა აღმოუჩინა. იგი მტკიცე მოწინააღმდეგე იყო არიანელთა ერესისა - მათ ეწინააღმდეგებოდა მილანის, სარდიკის და კიოლნის კრებებზე. ის ცნობილი იყო როგორც მტკიცე დამცველი მართლმადიდებლური რწმენისა. წმინდა იერონიმეს სიტყვებით, იგი იყო იმდროის ერთ-ერთი ყველაზე მამაცი ეპისკოპოსი. წმინდა მაქსიმინე სხვა ტრირელ ეპისკოპოსებთან ერთად დაკრძალულია ქალაქ ტრირის ჩრდილოეთ კარებთან მდებარე იოანე ღვთისმეტყველის ტაძრის კრიპტში. წმინდა მაქსიმინეს დიდ პატივს მიაგებენ ტრირისა და ელზასის მიდამოებში, მას გამოსახავენ წიგნითა და ტაძრით ხელში, დათვის თანხლებით, რომელსაც მისი ბარგი მიაქვს.