წმინდა ბორისის კარზე სამი უნგრელი დიდებული ძმა: გიორგი, ეფრემი და მოსე - ცხოვრობდა. 1015 წელს, მდინარე ალტასთან ბორისთან ერთად მოკლეს ეფრემის ძმა გიორგი. მკვლელებმა გიორგის თავი მოჰკვეთეს. ამ ამბის შემდეგ მონასტერში წავიდა მოსე. ეფრემმაც დაუტევა საერო მსახურება. მოძებნა გარდაცვლილი ძმის სხეული, აიღო მისი პატიოსანი თავი., იქვე, მდინარის პირას დააფუძნა მონასტერი, ბორისისა და გლების სახელზე ეკლესია ააგო. ეფრემმა 1053 წლის 28 იანვარს მიაბარა სული უფალს. ანდერძისამებრ ეფრემის კუბოში მისი ძმის გიორგის პატიოსანი თავიც ჩაასვენეს, წმინდა ეფრემის წმინდა ნაწილები 1572 წელს მოიპოვეს.