ღირსი ბრენდანი დაახლოებით 484/486 წლებში დაიბადა ირლანდიაში, კერში. სწავლობდა წმინდა ფინიანთან კლონარდში და წმინდა გილდთან ლანკრვანეში, უელსში. ის მონაზვნად აღიკვეცა და ირლანდიაში რამდენიმე მონასტერი დააარსა. მისიონერობდა და მოგზაურობდა, ყველგან ქადაგებდა ქრისტეს. მცირე ძმობასთან ერთად დასავლეთში უცნობ ზღვაში შეცურა და ღვთის ხელს მინდობილმა უცნობ მიწამდე, სავარაუდოდ, ამერიკამდეც მიაღწია. ამიტომაც იგი მეზღვაურთა მფარველადაც მიიჩნევა. წმინდა ბრენდანი 575-583 წლებს შორის აღესრულა.