გადმოცემის თანახმად, XIV საუკუნეში მოსკოვის მიტროპოლიტმა, წმინდა ალექსიმ (ხსენება 12 თებერვალს) სენაკში ლოცვისას ღვთისმშობლის ხატიდან გარდამომავალი ხმა ესმა, რომელმაც სერპუხოვოში მონასტრის დაფუძნება უბრძანა.

წმინდა მამამ ამ გამოცხადების შესახებ თავის მესენაკეს, ბარლაამს ამცნო და ამ ადგილის მოძიება მიანდო.

ბარლაამმა მართლაც იპოვა ღვთისმშობლის მიერ მინიშნებული ადგილი მდინარე ოკასა და ნარის შესართავთან, სადაც 1362 წელს ღვთისმშობლის ტაძრად მიყვანების სახელზე მონასტერი აღაშენა და თავადვე გახდა მისი პირველი იღუმენი 1377 წლამდე, - მის ნეტარ აღსასრულამდე.

უფრო ადრე აღესრულა მისი მოწაფე, გედეონი, სავანეში თავისი ამქვეყნიური ცხოვრება ისე რომ გაატარა, თითქოს - სასუფევლის კართან იდგა.

წმინდა ეკლესიამ ეს ორი მოღვაწე 2000 წელს შერაცხა წმინდანად.