წმინდა მღვდელმთავარი ფილიპე კრეტის ეკლესიას ბრძნულად მართავდა მარკუს ავრელიუსის და კომოდუსის ზეობის დროს (170 და 190 წლებს შორის). წმინდა პინიტესთან (ხსენება 10 ოქტომბერს) ერთად მორწმუნეებს მოუწოდებდა შეწინააღმდეგებოდნენ ქრისტიანობის მდევნელებს და მტკიცედ დაეცვათ სარწმუნოება მრავალრიცხოვანი გნოსტიკური სექტებისგან. მას იხსენიებს ევსევი კესარიელი, როცა გვამცნობს წმინდა დიონისე კორინთელის წერილს, სადაც შექებულია წმინდა ფილიპეს სიმტკიცე და ამის დასტურად მოყვანილია მისი ერთ-ერთი თხზულება მარკიანეს წინააღმდეგ (იხილეთ "საეკლესიო ისტორია", თავი მეოთხე). ბიზანტიური სვინაქსარი მასზე დუმს, სამაგიეროდ იხსენიებს ლათინური მარტიროლოგია, საიდანაც მისი "ცხოვრება" მოხვდა "რომის მარტიროლოგიაში".

სურათზე: წმინდა ტიტე მოციქულის სახელობის ტაძრის ნანგრევი გორტინში