წმინდა გრიგოლმა ქრისტეს სიყვარულით ამა სოფლის ყოველი პატივი და სიამე უარყო, მეცამეტე საუკუნის მეორე ნახევარში მშობლიური ქალაქი, კონსტანტინოპოლი მიატოვა და ანგელოზებრივი ცხოვრების შესაძენად წმინდა მთას მიაშურა.

დიდი ლავრის სიახლოვეს მრავალი წელი იღვაწა მდუმარედ, გამუდმებით მლოცველმა და მმარხველმა.

იხილა რა უფალმა მისი უარი ადამიანთაგან ყოველგვარ დახმარებაზე, საზრდელს ანგელოზის ხელით აწვდიდა.


ამ სიკეთით და სიწმინდით აღვსილმა მამამ სახელი ათონს იქითაც გაითქვა და მრავალ უფლის მოყვარეს და ჭეშმარიტების მაძიებელს იმ ლამპრად და გზამკვლევად ექცა, გადარჩენის ეკლიან და იწრო გზაზე რომ განამტკიცებს.

ღირსი გრიგოლი წმინდა გრიგოლ პალამას (ხსენება 14 ნოემბერს) ერთ-ერთი მასწავლებელთაგანია.