ამ ღვთისკაცებმა, მოიხილეს რა კვიპროსი, რომელიც საიმდროოდ სავსე იყო წარმართული კერპებით, რომელთაც ადგილობრივნი სცემდნენ თაყვანს, მათ მოსაქცევად მხნედ იწყეს ღვთის სიტყვის ქადაგება.

ღვთის მადლის თანამოქმედებით, მართლაც, მრავალი გააქრისტიანეს და მოკლე ხანში იქ ტაძარიც აღაშენეს.

მაგრამ კუნძულელთა ნაწილს ბოროტმა ეშმაკმა გული, მსგავსად ფარაონისა, ისე გაუსასტიკა, წმინდა კაცები საშინელ წამებას მისცეს. მათი საეპისკოპოსო კათედრები დალეწეს, წმინდა არკადი და ნესტორი კი გადაასახლეს, სადაც აღესრულნენ.