სტეფანე იმპერატორ მავრიკიუსის (582-602) კარისკაცი იყო. მან დატოვა სასახლე, რათა მთელი თავისი ცხოვრება მოწყალების საქმისთვის მიეძღვნა. ღირსმა სტეფანემ არმატიაში (კონსტანტინოპოლი) დავრდომილთა თავშესაფრები დააარსა და მთლიანად უცხოთშეწყნარებისათვის გადადო თავი. წმინდანი მშვიდობით მიიცვალა 614 წელს 61 წლის ასაკში. მისი დაარსებული თავშესაფარი XV საუკუნემდე მოქმედებდა.