წმინდა პაპიოსი ლიკაონიიდან (ქვეყანა მცირე აზიაში) იყო. ის III საუკუნის ბოლოს, IV საუკუნის დასაწყისში ეწამა, მაქსიმიანეს მეფობისას, მაშინ ქალაქის მმართველი ვინმე მაგნე იყო. წმინდანი ათასგვარი საწამებლით აწამეს: მას ყბები და ღაწვები ცემით შეუნგრიეს, შემდეგ ხეზე ჩამოკიდეს და რკინის ბრჭყალებით უსერავდნენ სხეულს. ბოლოს კი რკინის ლურსმნებიანი ფეხსაცმელი ჩააცვეს და აიძულეს ასე გაჰყოლოდა ჯალათებს. ამგვარ ტანჯვაში მიაბარა სული უფალს.