წმინდა მოწამენი: ინა, პინა და რიმა ეკუთვნოდნენ გუთების ბარბაროს ტომებს, რომლებიც დუნაის პირას ცხოვრობდნენ. გადმოცემით ისინი ანდრია მოციქულის მოწაფეები იყვნენ. სახარებას უქადაგებდნენ ბარბაროსებს, მრავალი მოაქციეს და მონათლეს. ამის გამო ადგილობრივმა მთავარმა წმინდანები შეიპყრო და მათ კერპებისთვის მსხვერპლის შეწირვა მოსთხოვა. მაგრამ მათ არ უარყვეს ქრისტე. იმ ხანებში სასტიკი ზამთარი იდგა. მდინარეები ისე იყო გაყინული, რომ მასზე ადამიანების გარდა, ურმებიან ცხენებსაც შეეძლოთ გადასვლა. მთავარმა ბრძანა, ყინულჭრილში გრძელი ძელები ჩაედოთ, წმინდანები მათზე მიებათ და ნელ-ნელა ჩაეშვათ გათოშილ წყალში. როცა ყინულმა მოწამეთა კისრებს უწია, საშინელი ყინვით გატანჯულმა მარტვილებმა სული უფალს შეჰვედრეს.

აქვე წაიკითხეთ:

წმინდა მოწამეთა: ინას, პინას და რიმას - წმინდა ნაწილთა აღმოყვანება (I-II) - 20 ივნისი (3 ივლისი)