წმინდა მოწამენი: ბასე, ევსები, ევტიქი და ბასილიდე მდიდარი და ცნობილი სენატორები იყვნენ იმპერატორ დიოკლეტიანეს მმართველობისას:
მათ ქრისტე ირწმუნეს და მოინათლენ მას მერე რაც შეესწრნენ წმინდა თეოპემპტი ნიკომიდიელი ეპისკოპოსის (ხს. 5 იანვარს) წამებას და სასწაულებს რომელიც მან ღვთის მადლით მოიმოქმედა.
მოწამეები იმპერატორთან სამსჯავროზე მიიყვანეს და შეხსნეს ქამრები-ნიშანი მათი ღირსებისა. შემდეგ კი თითოეულმა თავისი სიხლით დაამოწმა თავისი რწმენა.
წმინდა ბასე წელამდე მიწაში ჩამარხეს, ნაწილ-ნაწილ მოჰკვეთეს ხელ-ფეხი და ასე ჩააბარა სული უფალს; წმინდა ევსევი თავდაყირა და ნაჯახით ნაწილ-ნაწილ აჩეხეს, აქნეს. წმინდა ევტიქი ხელებითა და ფეხებით ბოძებზე მიაბეს და ნაწილებად დაფლითეს, წმინდა ბასილიდეს მუცელი მახვილით გამოუფატრეს. წმინდა მარტვილნი 303 წელს ეწამნენ.
