ეს მოწამე VIII საუკუნეში იღვწოდა და იმ სავანის იღუმენი გახლდათ, რომელიც, სავარაუდოდ, ბითვინიაში, ოლიმპოს მთაზე მდებარეობდა.
იოანე კონსტანტინე კოპრონიმოსის (დაახლოებით, 765 წელი) ჟამინდელი დევნისას ეწამა, - ეს უშიშარი მოღვაწე მხნედ აღუდგა წინ წმინდა ხატთა შეურაცხმყოფელთ და წმინდა სტეფანე ახლის (ხსენება 28 ნოემბერს) მარტვილობამდე მცირე ხნით ადრე მიიღო მოწამებრივი გვირგვინი.