ეს მარტვილნი ქრისტესთვის იმპერატორ კლავდიუსის (41-54 წლები) ჟამს ევნენ. ისინი პეტრაგორიის ეპისკოპოსმა, ფრონტონმა გაგზავნა ღვთის სიტყვის საქადაგებლად სამხრეთ გალიაში
(დღევანდელ საფრანგეთში).
ამ მხარის წარმართმა მმართველმა, სკვირიდონმა ისინი შეიპყრო და ქრისტეს უარყოფა მოსთხოვა. გამხეცებულმა სკვირიდონმა ბრძანა, ქალაქგარეთ გაეყვანათ აღმსარებლები, ძელებზე მიემსჭვალათ და ეკლის გვირგვინის მსგავსად, თავში ლურსმნები ჩაერჭოთ, რის შემდეგაც თავები წარჰკვეთეს.
