წმინდა პოლიკარპე მეოთხე საუკუნეში ცხოვრობდა დიდებულ ქალაქ ალექსანდრიაში. ხედავდა რა, თუ რა ტანჯვას დაითმენდნენ ყოველდღე ქრისტიანები, არ შეეძლო, თავადაც არ გაეზიარებინა მათი ხვედრი.
ერთხელ, სასამართლოში ხალხს გამოეყო და ხმამაღლა შესძახა:
- ეს რა უმსგავსობაა! თქვენში წვეთი არ არის ადამიანური: - თქვენი მსგავსნი ერთსულ ადიდებენ შემოქმედს, ამის გამო კი ნაწილ-ნაწილ ჩეხთ! აჰა, მეც მათგანი ვარ, მონა ქრისტესი!
მისი სიტყვით მხეცქმნილმა მსაჯულმა პოლიკარპეს სასტიკად წამება ბრძანა, რის შემდეგაც მას თავი წარკვეთეს.
ქრისტესთვის მარტვილო პოლიკარპე, ევედრე ღმერთსა ჩვენთვის!