წმინდა ზაქარია კორინთოს ეპისკოპოსი იყო XVII საუკუნეში. მოწამებრივად აღესრულა 1684 წელს. თურქებმა ზაქარიას ცილი დასწამეს - ფრანგებთან მიმოწერაში დასდეს ბრალი. კორინთოს ეპისკოპოსი ჯერ საპყრობილეში ჩააგდეს, სასტიკად ცემეს, შემდეგ კი სასამართლოზე წარადგინეს. მოსამართლემ დაკითხვის გარეშე შესთავაზა ისლამის მიღება. უარყოფითი პასუხის მიღების შემდეგ მღვდელმთავარი კვლავ აწამეს და საპყრობილეში ჩააგდეს. მოსამართლემ ბრძანა, ცოცხლად დაეწვათ ეპისკოპოსი. ზაქარიას მრევლი აღშფოთდა, ისინი შეეცადნენ ასეთი სასტიკი აღსასრული აერიდებინათ თავიანთი მღვდელმთავრისთვის. ჯალათებს ფული შესთავაზეს. დიდმარხვის მესამე კვირიაკეს, ჯვართაყვანისცემის დღესასწაულის შემდეგ წმინდა ზაქარიას თავი მოჰკვეთეს.

* * *

30 მარტს (12.04) ასევე აღესრულება იოანე იერუსალიმელი პატრიარქის (386-417წწ.), ღირსი ევსტასი ლუკსოვიელი იღუმენის (629წ.) და ირკუტსკის ეპისკოპოს სოფრონის (1771 წ.) ხსენება