წმინდა იოანე ტომით ბულგარელი გახლდათ. ადრეულ სიჭაბუკეში, სულიერი გამოუცდელობის გამო, ეშმაკმა აცთუნა და თურქთა ცრუ სწავლებას აყოლილმა ქრისტე უარჰყო, თუმცა, თავის მწარე ცთომილებას მალევე მიხვდა, შეინანა, მშობლიური სახლი დაუტევა და ათონს, წმინდა ათანასე დიდის ლავრას მიაშურა, სადაც, იქაურ ხუცესს სრულად დამორჩილებული, სამი წლის მანძილზე ღვრიდა მწარე ცრემლს თავისი დიდი ცოდვის გამოსასყიდად.

მისი სინანული იმდენად ღრმა იყო, ღვთისთვის ცხოვრების სურვილი კი - იმდენად დიდი, რომ გარკვეული ხნის შემდგომ ათონი მიატოვა, კონსტანტინოპოლს დაბრუნდა და წმინდა აია სოფიას მეჩეთად ნაქცევ ტაძარში ღიად იწყო ქრისტეს ქადაგება.

წმინდა ჭაბუკზე არც უსჯულოთა ლიქნმა გაჭრა, არც მუქარამ და 1784 წელს 19 წლის იოანეს თურქებმა თავი მოჰკვეთეს.

ხატის წყარო