წმინდა მოწამე დანაქტე II საუკუნეში ცხოვრობდა. იგი წიგნისმკითხველად მსახურობდა ილირიაში, ქალაქ ავლონის ეკლესიაში. წარმართთა თავდასხმის დროს მან საეკლესიო ჭურჭლეულობა აიღო და უსჯულოთაგან გადამალვას აპირებდა, მაგრამ ის მეომრებმა შეიპყრეს და დიონისეს კერპის თაყვანისცემა მოსთხოვეს; წმინდა დანაქტე მათ არ დაემორჩილა და ქრისტეს მხნე აღმსარებელს უღმრთოებმა მახვილით თავი მოჰკვეთეს.