ავადსახსენებელი იულიანე განდგომილი (361-363 წლები) ერთხელ გალატიის ქალაქ ანკვირს ჩავიდა, სადაც ერთი ღვთისმოსავი კაცი მიუახლოვდა, სახელად – გემელი და იმპერატორის უსჯულოებანი უშიშრად ამხილა.
იულიანემ "თავხედი" დაუყოვნებლივ შეაპყრობინა და წამებას მისცა, თუმცა, ამით გული ვერ იჯერა და მცირე აზიაში თან ატარა, თან სადაც შეჩერდებოდა, ახალ-ახალ სატანჯველებს შეამთხვევდა, თუმცა, გემელის სიმტკიცეს ვერა დააკლო.
როდესაც გემელმა გზად ნათელ იღო, წყლულნი სასწაულებრივად შეუხორცდა, ზეცით კი ხმა ესმა:
- ნეტარ ხარ შენ, გემელ, რამეთუ მრავალი ტანჯვა დაითმინე!
წმინდა გემელმა ჯვარზე გაკრულმა შეჰვედრა სული უფალს. ქრისტიანებმა მისი სხეული გადაასვენეს და მიწას პატივით მიაბარეს.
......
ხატის წყარო
