წმინდა ფორტუნატი თებეს წმინდა ლეგიონის მეომარი იყო. ის სხვებთან ერთად ქრისტეს რწმენისთვის აწამეს 286 წელს დღევანდელი შვეიცარიის ტერიტორიაზე. მისი წმინდა ნაწილები მოიპოვეს 1746 წელს რომში წმინდა კალისტეს კატაკომბებში და დაასვენეს სანტა-მარია-ინ-ვია-ლატას კოლეგიალურ ეკლესიაში. ტაძრის პროვოსტმა დონ კარლო მარია ბოლარდომ 1764 წელს მოწამის წმინდა ნაწილები მის სამშობლოს კასეის აჩუქა, სადაც მას მფარველად თვლიან. ამის გარდა კუნძულ პანტელერიას (კუნძულია სიცილიის ყურეში) მცხოვრებლებიც წმინდა ფორტუნატს მიიჩნევენ თავიანთ მფარველად მას მერე, რაც წმინდანის ლოცვით ეს კუნძული მიწისძვრას გადაურჩა 1831 წელს და ცუნამს - 1891 წელს.