ანტონ მარტომყოფელის სახელობის სამონასტრო კომპლექსი VI საუკუნეში ცამეტ ასურელ მამათაგან ერთ-ერთმა - წმინდა ანტონმა დააფუძნა. ტყით დაფარულ მთებში რამდენიმე ეკლესიაა: ღვთაების, ღვთისმშობლის, წმინდა გიორგის, მამა ანტონისა. მაღალ მთაზეა აღმართული მამა ანტონის სვეტიც, რომელსაც ხალხი "მამა ანტონის კოშკს" უწოდებს. ამ სვეტზე ბოლო 15 წელი გაუტარებია წმინდა მამას ლოცვაში.