ღვთისმსახურების დროს მღვდელმთავრებს ფეხქვეშ "არწივს" უგებენ. "არწივი" ეწოდება მცირე ზომის მრგვალ ხალიჩებს, რომლებზეც გამოსახულია ქალაქის თავზე მფრინავი არწივი. "არწივი" სიმბოლურად ღვთაებრივ ძალას განასახიერებს, რომელიც მღვდელმთავარს უფლისგან ეძლევა. იგი აგრეთვე ნიშანია იმისა, რომ მსგავსად ამ ფრინველისა, ეპისკოპოსიც უნდა ამაღლდეს მიწიერზე და მზერა ზეციურისკენ მიმართოს.