ბავშვებო, ხატებზე, წმინდანების გამოსახულებაზე უთუოდ შენიშნავთ მათი თავის გარშემო შემოხაზულ წრეს. ამ წრეს შარავანდს ანუ ნიმბს უწოდებენ.
შარავანდს გამოსახავენ მაცხოვრის, ღვთისმშობლისა და წმინდანების თავზე. მაცხოვარს ყველასგან განსხვავებული შარავანდი ადგას - მასში ჯვარია გამოსახული.
შარავანდი ზეციური ნათლის გამოსახულებაა. ღვთაებრივი ნათელი ღვთის რჩეულ ადამიანს განასახიერებს. მაგალითად, წმინდა წინასწარმეტყველი მოსე იძულებული იყო, პირისახე საფარველით დაეფარა, რომ მისგან არეკლილ ზეციურ ნათელს ადამიანები არ დაებრმავებინა.
