ღირსი მამა გაბრიელი (ზირინიანოვი) სნეულებს ხშირად ეტყოდა, რომ წირვის დასრულების მერე უმალ მასთან მისულიყვნენ, თანაც პირველნი.
მისულებს თავის ხელებს უჩვენებდა და განსაკუთრებული გრძნობით ეტყოდა: "ამ ხელებს ახლა ეპყრათ უფალი, ყოვლისმპყრობელი". ხელებს სნეულს თავზე დააწყობდა, ნაზად მოუჭერდა, ყოვლადწმინდა სამების სახელით აკურთხებდა და ეტყოდა: "მეტად ნუღარ დაახველებ" ანდა "გამოჯანმრთელდი!" და უფალიც ღირსი მამის ლოცვით სნეულებს შვებას მისცემდა და ხშირად სრულიად გამოაჯანმრთელებდა.
***
ჩვენ უნდა გვიხაროდეს, რომ ღმერთი მიუწვდომელია, - ბრძანებს წმინდა ინოკენტი ხერსონელი, - რადგან მთელი მარადისობა ის ჩვენი შეცნობის საგანი იქნება. გონებას მისი წვდომა რომ შეეძლოს, მაშინ უმოქმედოდ დარჩებოდა, რაც მას სატანჯველად ექცეოდა.