სერბი მოძღვარი მამა ფადეი (თადეოზი) ვიტოვნიცელი ოჯახის შესახებ ამბობს:

- ოჯახი, ეს დიდი შეწევნაა კაცისათვის, რამეთუ ყოველი ადამიანი მარტოსულია ამ სამყაროში და თუ მას არა ჰყავს ოჯახი, ანუ, არა ჰყავს გვერდით ის ადამიანები, ვისთანაც შეუძლია სულიერი ერთობა ჰპოვოს, ეს მას უმძიმებს და ურთულებს ცხოვრებას; თუმცა, უნდა აღინიშნოს ისიც, რომ ოჯახებშიც დიდია ბოროტის ბრძოლა. რადგან კაცთა მოდგმის მტერი ყოველმხრივ ცდილობს არიოს ურთიერთობა ახლობლებს შორის, დაუპირისპროს ოჯახის წევრები ერთმანეთს, მაგრამ თუ ადამიანები სიკეთეზე იქნებიან ორიენტირებულები, ანუ, ეცდებიან ყველაფერი სიკეთით მოაგვრაონ, მაშინ მადლი ღვთისა გარდამოვა მათ ოჯახებზე და ირგვლივ ჰარმონია და სიყვარული დაისადგურებს.
უფალმა, როდესაც ადამი შექმნა, გადაწყვიტა მარტო არ დაეტოვებინა და შემწედ ევა მოუვლინა. ასე განვითარდა კაცობრიობა. მას აქეთ მიდის ჩვენი ცხოვრება; დღე ღამეს ენაცვლება, ღამე-დღეს... მთავარია, მშვიდობა, სიხარული და მადლი სუფევდეს თითოეული ჩვენთაგანის სულში, მაშინ ყველასთან მშვიდობიანი ურთიერთობა გვექნება და აღარ იქნება კონფლიქტები.