წყნეთის მოხუცთა საოჯახო სახლი დახმარების მოლოდინშია
წყნეთის მოხუცთა საოჯახო სახლი დახმარების მოლოდინშია
ცოტამ თუ იცის წყნეთში მდებარე მოხუცთა სახლის არსებობის შესახებ, იმ სახლის, სადაც ყველაზე დიდი სითბო, სიყვარული და ერთმანეთის თანადგომაა.
როგორცკი შეაღებთ აქაურობის კარს, მოხუცების სევდანარევი მზერა თვალში მოგხვდებათ. იქ, ყველას თავისი კუთხე და სამყოფელი აქვს. ალბათ იკითხავთ, ვინ არის ამ ხალხის ყურადღების მიმქცევიო?

ქალბატონი მაია ნაჭყებია, უდიდესი სათნოებითა და ყველა საუკეთესო თვისებებით დაჯილდოვებული ადამიანი. მისი მზრუნველობა და თანადგომა რომ არა, გასაჭირში ჩავარდნილი მოხუცები დღეს სად იქნებოდნენ არავინ იცის.

-ამჟამად ჩვენ ვართ წყნეთში,ყაზბექის ქუჩა N21 მდებარე მოხუცთა საოჯახო სახლში. ამ სახლის პატრონთან სამ წლიანი ხელშეკრულება მქონდა. სამწუხაროდ, ხელშეკრულება 1 მარტს დამთავრდა. მეგონა თუ გამიგრძელებდა ხელშეკრულებას, მაგრამ ცოტა ხნის წინ გამომიცხადა სახლის დაცლა. ძალიან გამოუვალ სიტუაციაში აღმოვჩნდით. ახალი სახლის მოძებნა უნდა დავიწყო, მაგრამ ჯერჯერობით არსად ჩანს იმედის მომცემი მდგომარეობა,-მესაუბრება ქალბატონი მაია. ამჟამად, მოხუცთა თავშესაფარში 23 ბენეფიციარია. ზაფხულობით მათი რაოდენობა მატულობს. მადლობა უფალს რომ კეთილი ადამიანები გვეხმარებიან საკვებით და ვისაც რა საშუალება აქვს. უფლის იმედი მაქვს რომ ფინანსურ დახმარებასაც აღმოგვიჩენენ. ამასწინათ ვაკის გამგეობამ გაგვიწია დახმარება და საკვებიპროდუქტები მოგვიტანა, რისთვისაც მადლობას ვუხდით. მადლობა უფალს, რომ ჩვენც გვქონდა შემონახული. ზამთრის მარაგი საკვები.ღმერთმა დალოცოს და გაახაროს ყველა ვინც ჩვენს გაჭირვებულ მოხუცებს დაეხმარება.

- რამ გადაგაწყვეტინათ დაგეარსებინათ მოხუცთა სახლი და რა კატეგორიის ადამიანებს ემსახურება?

-ყველანირი კატეგორიის ადამიანები მყავს. უფრო მეტად სოციალურად დაუცველები- უნარშეზღუდულიც და მარტოხელებიც მყავს. 2000 წლიდან სამეგრელოში ვმუშაობდი არასამთავრობო ორგანიზაციაში- სოციალურად დაუცველი ოჯახების დახმარების და ხელშეწყობთა კავშირი. მეუღლის გარდაცვალების შემდეგ თბილისში ჩამოვედი და დავიწყე მცხეთაში, სამთავროს დედათა მონასტერში სიარული. იქ გამომეცხადა წმინდა მამა გაბრიელი. რის შემდეგაც აღარაფერი მაინტერესებდა. სულ მეცოდებოდა გაჭირვებული, ავადმყოფი ადამიანები. შინაგანად მეც ვგრძნობდი რომ სულ სხვანაირი ვიყავი, ყველაფერმა ამან გადამაწყვეტინა მოხუცებულთა სახლის გახსნა. მივატოვე ჩემი არასამთავრობო ორგანიაზაცია და ამ გზას დავადექი. არჩევანის წინაშე ვიყავი, ან მოხუცთა სახლი უნდა გამეხსნა ან უნარშეზღუდულთა სახლი. უფრო მოხუცთა სახლისკენ ავიღე გეზი. ამან განაპირობა ჩემი გადაწყევტიების მიღება. მადლობა უფალს, რომ ვემსახურები ამ საქმეს.ძალიან რთულ სიტუციაში მიწევს აქ მუშაობა. თავად არ ვარ ჯანმრთელი ქალბატონი. რკინადეფიციტური ანემია მაქვს.. ერთი მომვლელი მყავს და მეხმარება ბენეფიციარების მოვლაში. აქედან ერთი უნარშეზღუდულია, თეთრიწყაროს გამგებელმა მომიყვანა ახალგზარდა უნარშეზღუდული ბიჭი, რომელსაც სიარულიც არ შეუძლია. ამ ადამიანს არც პენსია აქვს. ყველაფერი უფალთან არის დაკავშრებული და ალბათ ეს ადამიანიც უფალმა გმომიგზავნა და უარი არ მითქვამს და ვუვლით ამ ადამიანს ჩვენი სახსრებით.იმედი მაქვს გამოჩნდებიან კეთილი ადამიანები... ქირასაც გადავიხდი, ოღონდ დაგვითმონ სახლი, თუ ვინმე რამეს შეძლებს მადლობლები ვიქნებით. სამედიცინო კუთხით საპატრიარქოსთან მაქვს მემორანდუმი გაფორმებული და საჭიროების შემთხვევში ამომყავს ექიმი ლალი მაჭარაშვილი და ის გვეხმარება. პურს საპატრიარქო გვაძლევს. კვირაში 20 ცალი პური შემომაქვთ უფასოდ. შეძლებისდაგავარდ სხვა პროდუქტებს ჩვენ ვიძენთ. კვირაში ეთხელ მუსიკის მასწავლებელი მომყავს და მოხუცებს ვამხიარულებთ. ლექსებს ყვებიან და თავიანთ თავს ართობენ. მამაო ამოდის ხოლმე ჩვენთან აღსარებას იბარებს ამათგან. მქონა ასეთი შემთხვევა. 86 წლის ქალბატონი არ იყო მონათლული და მოვნათლეთ.

-როგორ მოვიდნენ თქვენამდე ეს მოხუცები?

-თუ სულში არ გაქვს ამის გაკეთების უნარი ისე ვერ გააკეთებ, საკუთარ დედ-მამის არ ესმით ადამიანებს და ჩვენ, წარმოიდგინეთ რამდენ ხალხთან გვაქვს ურთიერთობა. ხასითი, შეჩვევა, სხვა სამყაროში შემოსვლა. მართლაც სულით და გულით ვაკეთებთ ამ სიკეთეს. ყველაფერი უფლის ნებაა. ახალი სამგორის მოძღვარმა, მამა დავითმა მითხრა, უფალმა შენ მათი მწყემსობა ჩაგაბარაო. მართლაც ასეა. ყველაფერში უფლის ძალაა, მე არ ვარ ისეთი ჯანმრთელი რომ ეს ყველაფერი გავაკეთო, მაგრამ უფალი მაკეთებინეს. მამა დავითმა მომიყვანა ეტლს მიჯაჭული ახალგაზრდა მამაკაცი, რომელიც რამდენიმე წლის წინ გარდაიცვალა. მამა გაბრიელს ვთხოვდიო, ღმერთო გამომიჩინე ისეთი ადგილი, რომ ილიასთვის თავშესაფარი ყოფილიყოო. როცა ამ საქმეს ემსახურები და ამ ქველმოქმედებას აკეთებ იქ უფალმა არ მოგცა არჩევის უფლება. ასეთი იქნება თუ ისეთი, ყველას ყურადღება უნდა მიაქციო და შემოიყავნო სახლში. მე უარს არავის არ ვეუბნები. შეიძლება უარი ვთქვა მხოლოდ ფართის არ მქონდეს. საჭმელზე კიდევ არ მეშინია. ერთმა ქალბატონმა ტელეფონზე დამირეკა, მარტო ვარ და თავის მოკვლა მინდაო. მისამართი გამოვართვი რომ მივსულიყავი და დავლაპარაკებოდი, შვილი მყავს ისეთი რომ ვერაფრით მოგცემ მსამართსო და იმ მოხუცს ყოველდღე ვეხმიანები. ერთი მამაკაცი გვყავს კიდევ, ყოფილი გენერალი. ისიც სიკვდილს ნატრობდა. არ ვიცი საიდან გაიგო, დამიკავშირდა და დღეს ჩემს სახლში ცხოვრობს. უფრო დიდი ფართო რომ მქონდეს ყველას შევიყავნ თავიან ოთახებში, ყველას თავის ადგილს მივუჩენ. ალბათ იქნება რაღაც ასე არ დაგვტოვებს უფალი, უფლის იმედი გვაქვს. ქვეყანაში უამრავი შეძლებეული ადამიანი ცხოვრობს, წყნეთშიც მრავალი ადამიანია, ვისაც არ უჭირს, ჩვენი პრობელმა არავის აინტერესებს. მილიონერს ყველა მილიონერი ჰგონია. გაჭირვებული არავის უნდა.
ერთელ ღამის სამი საათი იყო და ხმამაღალი ხმით დამირეკა ახალგაზრდა მამაკაცმა. წყნეთის მოხუცთა სახლიაო? -მკითხა. საინფორმაციოში დავრეკეთ და ყველაზე ახლოს მოხუცთა თავშესაფრის მისამართი მოგვცესო. ღმერთმა გაახაროს, იმდენი პროდუქტი ამოგვიტანა. ასეთი კეთილი ადამიანებიც არიან. ახალგაზრდები ამოვიდნენ სუხიშვილის სტუდიიდან და საკვები ამოგვიტანეს. სკოლა გიმნაზიის მოსწავლეებიც დაგვეხმარნენ პროდუქტით. ბათუმშის საქველმოქმედო ორგანიაზაციაა "იალქანი"და მათაც გაგვიწიეს დახმარება. ფონდიდან "ნათელი"იყვნენ მოსულები. ასეთ კეთილ საქმეებს აკეთებენ ახალგაზრდები. მადლობა ღმერთს რომ არსებობს ასეთი კეთილი ხალხი. ამის იმედზე ვარ, რომ კეთილი ადამიანები დახმარებას გამიწევენ. ასეთი ხალხი რომ არ იყოს ამხელა საქმეს ნამდვილად ვერ გავწვდებოდი.

აქ ვინც ცხოვრობს ყველას სხვადასხვა ხასიათი აქვს, ყველას თავისებური გაგება უნდა. ამას ყველაფერს უფალი გვაძლებინებს, თორემ ჩვენ ნამდვილად ვერ გავაკეთებდით.
ჩვენი თავი მხოლოდ არჩევნების დროს ახსენდებათ, ერთ -ერთი პარტიის წევრები იყვნენ მოსულები და ტელევიზორს შეგვპირდნენ. მას შემდეგ აღარავის გავხსენებივართ. ჩემი მოხუცები მახსენებენ ხოლმე, რატომ მოგვატყუეს ტელევიოზრს მოგიტანთო. ერთ ოთახში არ მაქვს ტელევიზორი და სულ იმას ვფიქრობ, ღმერთო მომეცი იმის საშუალება რომ ვერსივერი შევიძნო. თავის ოთახში რომ უყურებს ქალბატონი ტელევიზორს, არ უნდა მის ოთახში მამაკაცი შევიდეს. ზამთრისთვის წინასწარ მოვიმარაგე პურის ფქვილი, სხვადასხვა პროდუქტები. ეს არის ჩემი მიზანი, დავაპურო ჩემი მოხუცები. უფლის და მომავლის იმედი მაქვს. მწამს, რომ გამოჩნდებიან კეთილი ადამიანები და დახმარებას გაგვიწევენ.

ერთ- ერთმა ქალბატონმა მითხრა, -სახლში ჩემი აზრი არავის აინტერეებდა, რამეს რომ ვიტყოდი დაჯექიო მეუბნებოდნენო, როცა თქვენ ჩემს მიმრთ იჩენთ ყურადღებას ახლა ვიგძენი ქალად თავიო. ერთი ქალბატონი შემოვიდა გულში მამა გაბრიელის სურათი ჰქონდა ჩახუტებული. მკითხა, -თქვენ ბრძანდებით ქალბატონი მაია? მამა გაბრიელს ვეხვეწებოდი, მამა გაბრიელ, არ მომკლა ამაღამ და მე ხვალ იმ ქალბატონს მოვძებნი და როგორ გამომაგდებს იქიდანო. სამი შვილის დედაა. გაზეთიდან გაუგია ჩვენს შესახებ და ასე მოგავკითხა. რახან მამა გაბრიელმა გამოგგზავნათ, დარჩით ჩემთანმეთქი, ვუპასუხე. იმ წუთის შემდეგ ეს ქალბატონი ჩემთან არის. მადლობა უფალს, რომ კარგი ქალბატონი აღმოჩნდა.
ჩემი მოხუცები რომ არ მიყვარდეს, სითბო და სიყვარული რომ არ იყოს გამიჭრდებოდა მათი მოვლა-პატრონობა. ამ ადამიანების მოვლა ჩამაბარა ამჟამად უფალმა და ამისთვის ვმადლობ უფალს.მადლობა თქვენს ჟურნალ "კარიბჭეს", პირველად რომ დაიწერა ჩვენზე სტატია გამოგვეხმაურა ხალხი, ზოგიერთებმა არ დაგვივიწყეს და დღესაც თანამშრომლობენ და გვეხმარებიან.

წყნეთის საოჯახო მოხუცთა სახლის მომვლელი ნინო ბელიაშვილი:

-მოხუცთა სახლში ახლობლის დახმარებით მოვედი. მან მითხრა, წყნეთში მოხუცთა სახლია და იქ წამოდი სამუშაოდო. თავიდან უარი ვუთხარი, იმ მიზეზით, რომ პატარა შვილიშვილს, მარიამს ვზრდიდი და ბავშვთან ერთად ვერ ვიმუშავებდი. როცა ეს გაიგო ქალბატონმა მაიამ თქვა, თავის მარიამთან ერთად მოვიდესო. გადავწყვიტე და ასე მოვედი. ქალბატონმა მაიამ დიდი სითბოთი, სიყვარულით მიგვიღო და ასე დავრჩი აქ მოხუცებთან ერთად. ერთი წელი გახდება რაც დღედაღამე აქ ვარ მოხუცებთან. სახლშიც არ წავსულვარ. ჩემი მარიამიც მოხუცებთან ერთად იზრდება. რაც შეეხება მოხუცებთან ურთიერთობას, ბავშობიდან თბილი და მოსიყვარულე ვიყავი. უფალმა მომცა ეს ძალა და მეხმარება დავძლიო ყოველგავრი დაბრკოლება. მოხუცებს ყველას ხასიათი უნდა შეურჩიო, თავისებური ალღოს აღება უნდათ. მადლობა უფალს, რომ მაძლევს ამის უნარს.
ბეჭდვაელფოსტა
კომენტარი არ გაკეთებულა
სხვა სიახლეები
10.07.2020
თურქეთის სასამართლომ აია-სოფიას მუზეუმის სტატუსი გაუუქმა, - ამის შესახებ ინფორმაციას BBС ავრცელებს.
18.06.2020
აბასთუანი IX-X საუკუნეებში  ოძრახედ მოიხსენიებდნენ. გვიანდელ შუა საუკუნეებში დამკვიდრდა ოცხე, XIX საუკუნიდან კი აბასთუმანი.
27.05.2020
ღირსი პახუმი დიდი (+348) ანტონი დიდთან (ხს. 17 იანვარს), მაკარი დიდთან (ხს. 19 იანვარს) და ექვთიმე დიდთან (ხს. 20 იანვარს) ერთად ითვლება მეუდაბნოობისა და სამონასტრო ცხოვრების ერთ-ერთ დამაარსებლად ეგვიპტეში.
26.05.2020
რარიგ ტკბილია სულიერი მამაშვილობა, როცა საყვარელი მოძღვრის კალთას შეფარებული გაინაბები და საკუთარ გულისცემას უსმენ, როცა ამა სოფლის ღუმელში მომწყვდეულს ვითარცა უფლის ანგელოზი გვერდში გიდგას სულიერი მამა
20.05.2020
პირველი ქრისტიანი იმპერატორის, წმინდა კონსტანტინე დიდის გარდაცვალების შემდგომ მისი ვაჟი კონსტანცი გამეფდა, რომელიც ფრიად თანაუგრძნობდა არიოზს. სწორედ ჭეშმარიტების დასამოწმებლად გამოჩნდა წმინდა ქალაქის თავზე 351 წლის 7 მაისს, სულთმოფენობის დღეს, სამ საათზე უზარმაზარი ჯვარი, რომელიც საკვირველად ბრწყინავდა.
14.05.2020
შეეწიეთ ქარელის რაიონის სოფელ ჭანდრების, კვირაცხოვლის სახელობის დედათა მონასტრის მშენებლობას.
14.05.2020
თიანეთის და ფშავ-ხევსურეთის ეპისკოპოსი  მიქაელი (გაბრიჭიძე) ჰყვება თავის ერისკაცობის დროინდელ ამბავს: "სიონის ტაძარში ერთ-ერთი მღვდელმთავარი აღავლენდა წმინდა მეფე თამარის სავედრებელ პარაკლისს.
12.05.2020
საქართველოში, 12 მაისს ღვთისმშობლისადმი საქართველოს წილხვდომილობის - იმედის დღე და ამავდროულად, ანდრია პირველწოდებულის ხსენების დღე აღინიშნება.
01.05.2020
როგორც "არტინფოს" ვებ გვერდიდან ვგებულობთ, იტალიელმა არქეოლოგმა ვირჯილიო კორბომ იუდას უდაბნოში 1952 წელს ქართული მონასტრის წარწერები აღმოაჩინა,
25.04.2020
ეს ამბავი მე-19 საუკუნის რუსეთში მოხდა. არქიმანდრიტი ა. ჰყვებოდა: მაშინ ახალგაზრდა ვიყავი და კორენის მონასტერში ვცხოვრობდი. მონასტერში ერთი ბერი გარდაიცვალა.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
ჟურნალი
ჟურნალის ბოლო ნომრები:
მიუხედავად მრავალი დამცირებისა, შეურაცხყოფისა და დევნისა, სახარება მთელ ქვეყანას მოჰფინეს
წმინდა მახარებელი ლუკა თორმეტი მოციქულის გამორჩევის ამბის თხრობისას ამბობს, რომ გამორჩევამდე მაცხოვარმა მთელი ღამე გაატარა მამა ღმერთის მიმართ თხოვნა-ვედრებაში