ზეიმი 208-ე საჯარო სკოლაში
ზეიმი 208-ე საჯარო სკოლაში
ზაჰესში მდებარე 208-ე საჯარო სკოლის მუსიკის მასწავლებელმა, ქალბატონმაLლეილა მუსხელიშვილმა დიდი რუდუნებით სხვადასხვა კლასის მოსწავლეთაგან შემდგარი მომღერალთა გუნდი ჩამოაყალიბა. ბავშვები მონდომებით ასრულებენ არა მარტო ქალაქურსა და ქართულ ხალხურ სიმღერებს, არამედ საეკლესიო საგალობლებსაც.

ქალბატონ ლეილას პედაგოგად მუშაობის 35-წლიანი გამოცდილება აქვს. ამ სკოლაში უკვე 20 წელია მოღვაწეობს და ბავშვებს მუსიკალური კულტურის სიყვარულს აზიარებს. სიმღერის ნიჭი, ქართული ტრადიციებით გამორჩეული, ოჯახიდან გამოჰყვა. მშობლებიც პედაგოგები იყვნენ და უზომოდ აფასებდნენ ქართულ ხალხურ სასიმღერო ხელოვნებას. თავადაც მღეროდნენ და უკრავდნენ სხვადასხვა ინსტრუმენტზე.

20 დეკემბერს ამ სკოლას ვესტუმრე, რათა დავსწრებოდი ქალბატონი ლეილას ხელმძღვანელობით დადგმულ, ქრისტიანული თემატიკისადმი მიძღვნილ ღონისძიებას. ამდაგვარი ღონისძიებების დადგმას და, ზოგადად, მოსწავლეთა წახალისებას მართლმადიდებლური საკითხების გაშუქებისადმი ხელს უწყობს სკოლის დირექტორი, მორწმუნე ქალბატონი - ქეთევან ბილიხოძე. იგი გულმოდგინედ ზრუნავს იმისათვის, რომ სკოლაში ხშირად ჩატარდეს პარაკლისები და ბავშვებს (განსაკუთრებით - უფროსკლასელებს) ეკლესიის მოძღვრებთან ჰქონდეთ ინტენსიური ურთიერთობა. სკოლის პედკოლექტივს გაცნობიერებული აქვს ეკლესიის კეთილისმყოფელი გავლენა ბავშვების სულიერების ჯანსაღად და სწორად წარმართვაზე. ამ მიზნით სკოლას ხშირად სტუმრობენ წმინდა იოანე ნათლისმცემლის ტაძრის მოძღვრები: მამა გურამი (ბერძული) და მამა ვახტანგი.

ქალბატონი ლეილა მუსხელიშვილი არაერთხელ აწყობს ქრისტიანული თემატიკისადმი მიძღვნილ ღონისძიებებს. ერთ-ერთი ასეთი ღონისძიება მიეძღვნა ქართველთა განმანათლებელს, წმინდა ნინოს. ბავშვებმა (ნინო მეტრეველმა და ლუკა გაგნიძემ) გუნდთან ერთად შეასრულეს პოეტ მარიამ წიკლაურის ლექსზე შექმნილი წმინდა ნინოსადმი მიძღვნილი სიმღერა, რომლის მელოდიაც ქალბატონმა ლეილამ შეთხზა. თავადაც წმინდა იოანე ნათლისმცემლის ტაძრის მგალობელთა გუნდის წევრია, რომლის რეგენტი იქვე, მონასტერში მცხოვრები მონაზონი, დედა პარასკევა ბრძანდება. ქალბატონიLლეილა ბავშვებს არა მარტო სიმღერებისა და საგალობლებისადმი უღვივებს სიყვარულს, არამედ, პირველ ყოვლისა, ზრუნავს იმაზე, რომ ეს ბავშვები ეკლესიას შესძინოს. სწორედ ამას მიიჩნევს იგი პედაგოგის მთავარ დანიშნულებად. სიამაყე და სიხარული ეუფლება, როდესაც წირვა-ლოცვაზე ხედავს მისი სკოლის მოსწავლეებით სავსე ტაძარს. ამიტომაც უდიდესი პასუხისმგებლობით ეკიდება პედაგოგის მისიას ღვთისა და ერის წინაშე. მიიჩნევს, რომ ბავშვის აღზრდაში და მის ჭეშმარიტ ადამიანად ჩამოყალიბებაში მასწავლებელს ყველაზე მეტად პირადი მაგალითი ეხმარება. გულში დაგროვილ სითბოსა და სიყვარულს უშურველად გასცემს და მადლიერია, როდესაც საპასუხო სითბოს ღებულობს ახალგაზრდა თაობისგან.
ბეჭდვაელფოსტა
კომენტარი არ გაკეთებულა
სხვა სიახლეები
12.10.2019
საქართველოში ოდითგანვე ატარებენ ეროვნულ სამოსს, ჩოხას, რაც ქართული სულისა და ცნობიერების სიმბოლოდ აღიქმება.
01.10.2019
-წმინდა იოანე ოქროპირის გადმოცემით, ქრისტიანთათვის წმიდანთა სახელების დარქმევის ტრადიცია ჯერ კიდევ პირველ საუკუნეში დამკვიდრდა.
31.07.2019
მეტანია ორი სახისაა-დიდი და მცირე. დიდი მეტანია, ანუ მუხლდრეკა, სრულდება შემდეგნაირად.
22.04.2019
თავისი შინაარსისა და საიდუმლოთა აღსრულების გამო, ვნების შვიდეულის ყოველ დღეს მართლმადიდებელმა ეკლესიამ "დიდი" უწოდა.
15.02.2019
2019 წლის 31 იანვრიდან 2 თებერვლის ჩათვლით, საქართველოს საგანგებო და სრულუფლებიანი ელჩი ზურაბ პატარაძე ვიზიტით იმყოფებოდა აზერბაიჯანის რესპუბლიკის კახის, ზაქათალისა და ბელაქნის რაიონებში.
20.01.2019
ხშირი საჯანმრთელო პარაკლისები და წმინდანების წინაშე ვედრება დიდ სასწაულებს და ნუგეშს მოგვიტანს
გვესაუბრება ბათუმის წმინდა ბარბარეს სახელობის
07.01.2019
-ჩვენ ვიცით, ანგელოზებმა, მწყემსებმა და მოგვებმა უფალს სხვადასხვა სახის ძღვენი მიართვეს.
27.10.2018
ჩვენ - ქართველები და საქართველოს შვილები
06.10.2018
პოეტ მარიამ ხუცურაულის პოსტი უნდა გაგაცნოთ - გულგრილი ნამდვილად ვერ დარჩებით:
01.09.2018
საქართველოში რობოტ სოფიას გამოჩენამ აზრთა სხვადასხვაობა გამოიწვია.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
ჟურნალი
ჟურნალის ბოლო ნომრები:
ზეციდან მიწაზე სამი ნათლის სვეტი გარდამოვიდა, შუქმა გაანათა იქაურობა

წმიდა მოწამენი დავით და კონსტანტინე მხეიძეები არგვეთის მთავრები იყვნენ.