მორჩილების მასწავლებელი
დეკანოზი სერაფიმე დანელიას მოგონებებიდან:
,,ჩვენს პრაგმატულ დროში ადამიანები იშვიათად თუ მიმართავენ წმინდანებთან ცოცხალ ურთიერთობას. არადა, თურმე, ერთი შეხედვით უმნიშვნელო ვითარებაშიც კი არის შესაძლებელი ასეთი უთიერთობის დამყარება...

- მაშინ, როცა ჯერ კიდევ ერისკაცი, წვრილშვილით მარტვილის მონასტრის მახლობლად დავსახლდი, საჭიროების გამო (პატარა ბაბალეს რძე რომ ჰქონოდა) თხა ვიყიდეთ; თხა, მაგრამ რა თხა: მარათონელი და სიმაღლეზე ხტუნვაში ჩემპიონი, ჩემი ნერვების მწელავი და ამის საფასურად მხოლოდ ორი ჭიქა რძის მწყალობელი...

ერთხელ ერთმა მეგობარმა, რომელსაც ახალი დაწყებული ჰქონდა ეკლესიაში სიარული, ჩემს გაჭირვებაში რომ დამინახა გაკვირვებულმა მკითხა: ,,რას აკვლევინებ თავს ამ თხასო"
გავუღიმე და ვუპასუხე : -,, მორჩილებას ვსწავლობ და ამიტომაც ვერ ვიმეტებ მეთქი"
,, - დიდება შენდა ღმერთო" - ხელები აღაპყრო მეგობარმა ,, - მე ადამიანებისგან ვერ ვსწავლობ მორჩილებას, ეს კი თხისაგან სწავლობსო"...

ჰოდა, ერთხელაც ამ ჩემმა ,,მორჩილების მასწავლებელმა" დაკრა ფეხი და სადღაც გადაიკარგა. ეს რომ გავიგე, გული გადამიქანდა და დილიდან შევუდექი ჩვენი ოჯახის ერთადერთი ,,მარჩენალის" ძებნა-ძიებას.

შემოვიარე მონასტრის მთელი შემოგარენი, ყანები, ტყეები, მაგრამ უშედეგოდ.
მზე უკვე ჩადიოდა, როცა ჩემს დუხჭირ ცხოვრებაზე და უიღბლობაზე მწარედ ჩაფიქრებული სახლში ვბრუნდებოდი. გზად მონასტრის ეზო უნდა გამევლო. ტაძარს რომ გავუსწორდი, გამახსენდა შინაური ცხოველების დაკარგვისას ჩვენი წინაპრები წმ. გიორგის რომ ევედრებოდნენ და რომ იტყვიან, მართლა შევღაღადე: ,, - ხომ ამბობენ შენზე სასწაულებს სჩადისო, აი ხომ ხედავ როგორი დამწუხრებული ვარ, ქენი სიკეთე და მეც მიჩვენე შენი სასწაული-მეთქი".

იმ დროს ყველაფერი შეიძლება მეფიქრა... მეფიქრა, რომ უფალი შეისმენდა ჩემს ლოცვას, რომ ყველაფერი რაღაც გზით გამოსწორდებოდა, მაგრამ ვერაფრით წარმოვიდგენდი იმას, რაც ამ ლოცვიდან ორ წუთში დავინახე: - მონასტრის ჭიშკარზე გამობმული და ალბათ იმ წუთას ჩემს მგავსად გაკვირვებული თხა...

ვხედავ, ბაწარი, რომელიც ყელზე ეკეთა, მონასტრის ჭიშკრის ღიობშია გაჭედილი...
იმ წუთას, ვინმეს ათასი საწინააღმდეგო არგუმენტი და მიზეზი რომ ჩამოეთვალა, ვერაფრით დამარწმუნებდა, რომ ეს თითქოსდა საგანგებოდ დაბმული თხა წმ. გიორგის წყალობა არ იყო..."
წიგნიდან ,,მომეფერე უფალო"

მის მადლს ებარებოდეთ!
ბეჭდვაელფოსტა
კომენტარი არ გაკეთებულა
სხვა სიახლეები
12.10.2019
საქართველოში ოდითგანვე ატარებენ ეროვნულ სამოსს, ჩოხას, რაც ქართული სულისა და ცნობიერების სიმბოლოდ აღიქმება.
01.10.2019
-წმინდა იოანე ოქროპირის გადმოცემით, ქრისტიანთათვის წმიდანთა სახელების დარქმევის ტრადიცია ჯერ კიდევ პირველ საუკუნეში დამკვიდრდა.
31.07.2019
მეტანია ორი სახისაა-დიდი და მცირე. დიდი მეტანია, ანუ მუხლდრეკა, სრულდება შემდეგნაირად.
22.04.2019
თავისი შინაარსისა და საიდუმლოთა აღსრულების გამო, ვნების შვიდეულის ყოველ დღეს მართლმადიდებელმა ეკლესიამ "დიდი" უწოდა.
15.02.2019
2019 წლის 31 იანვრიდან 2 თებერვლის ჩათვლით, საქართველოს საგანგებო და სრულუფლებიანი ელჩი ზურაბ პატარაძე ვიზიტით იმყოფებოდა აზერბაიჯანის რესპუბლიკის კახის, ზაქათალისა და ბელაქნის რაიონებში.
20.01.2019
ხშირი საჯანმრთელო პარაკლისები და წმინდანების წინაშე ვედრება დიდ სასწაულებს და ნუგეშს მოგვიტანს
გვესაუბრება ბათუმის წმინდა ბარბარეს სახელობის
07.01.2019
-ჩვენ ვიცით, ანგელოზებმა, მწყემსებმა და მოგვებმა უფალს სხვადასხვა სახის ძღვენი მიართვეს.
27.10.2018
ჩვენ - ქართველები და საქართველოს შვილები
06.10.2018
პოეტ მარიამ ხუცურაულის პოსტი უნდა გაგაცნოთ - გულგრილი ნამდვილად ვერ დარჩებით:
01.09.2018
საქართველოში რობოტ სოფიას გამოჩენამ აზრთა სხვადასხვაობა გამოიწვია.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
ჟურნალი
ჟურნალის ბოლო ნომრები:
უფალმა იესო ქრისტემ ზეცად ამაღლების შემდგომ წარმოგზავნა 12 მოციქული, რათა ყოველი მისი სიტყვა ხალხისთვის გადაეცათ. უფლის მოციქულები სხვადასხვა ქვეყანაში გაემართნენ საქადაგებლად.